1926ஆம் ஆண்டு திறக்கப்பட்ட சான் சிரோ, 1930 மற்றும் 1990 உலகக் கோப்பைகள், 1980 ஐரோப்பிய சாம்பியன்ஷிப் போட்டிகள், நான்கு சாம்பியன்ஸ் லீக் இறுதிப் போட்டிகள் ஆகியவற்றை நடத்தியுள்ளது. 2026 குளிர்கால ஒலிம்பிக் போட்டிகளின் தொடக்க விழாவும் இங்கு நடைபெற உள்ளது. 75,817 இருக்கைகள் கொண்ட இந்த மைதானத்தை ஏசி மிலான் மற்றும் இன்டர் மிலான் கிளப்புகள் 1947 முதல் பகிர்ந்து பயன்படுத்தி வருகின்றன.
புதிய மைதானத்துக்காக எடுக்கப்பட்ட முடிவு
சான் சிரோ மைதானம் பழமையானதாகவும், போதிய விஐபி வசதிகள் இல்லாததாகவும், UEFA விதிமுறைகளுக்கு முழுமையாக ஏற்ப இல்லாததாகவும் கூறப்படுகிறது. அதை புதுப்பிப்பது அதிக செலவாகும் எனக் கருதிய இரு கிளப்புகளும், மிலான் நகராட்சியிடமிருந்து மைதானத்தை 197 மில்லியன் யூரோவுக்கு வாங்கியுள்ளன. இடிப்புக்காக 127 மில்லியன் யூரோ செலவிடப்பட உள்ளது.
அதே இடத்துக்கு அருகில் 1.25 பில்லியன் யூரோ மதிப்பில் Generali Stadium என்ற புதிய மைதானம் கட்டப்பட்டு, 2031ல் திறக்கப்படும். சான் சிரோவை இடிக்க எதிர்ப்பு தெரிவிக்கும் ரசிகர்கள் மற்றும் முன்னாள் வீரர்கள், அதன் வரலாற்றையும் நகரத்தின் அடையாளத்தையும் பாதுகாக்க வேண்டும் என வலியுறுத்துகின்றனர். San Siro demolition தொடர்பான விவாதம், கால்பந்தின் பாரம்பரியத்துக்கும் நவீன வர்த்தகத் தேவைகளுக்கும் இடையிலான மோதலாக மாறியுள்ளது.
