அமைச்சரவை பேச்சாளர் நளிந்த ஜயதிஸ்ஸ அமைச்சர் தெரிவித்ததாவது, கடந்த ஐந்து தசாப்தங்களாக நடைமுறையில் உள்ள இச்சட்டம், தற்போதைய தொழில்நுட்ப, சமூக, அரசியல் மற்றும் பொருளாதார மாற்றங்களுக்குத் தகுந்தவாறு இல்லாததால், புதிய சட்டம் அவசியம் எனக் கூறினார்.
புதிய சட்டத்தின் கீழ், “இலங்கை தேசிய திரைப்பட சபை” (Sri Lanka National Film Council) என்ற புதிய அமைப்பு நிறுவப்படும். இது திரைப்பட துறையின் ஒழுங்குமுறை பொறுப்புகளையும், திரைப்படக் கலாச்சாரத்தை ஊக்குவிக்கும் நடவடிக்கைகளையும் மேற்கொள்ளும்.
திரைப்பட சபையின் பங்கு மற்றும் அமைப்பு குறித்து அடிப்படை வரைவு தயாரிக்கப்பட்டுள்ளதாக அமைச்சர் மேலும் தெரிவித்தார்.
இத்திட்டம் புத்தசாசன, மத மற்றும் கலாச்சார அலுவல்கள் அமைச்சரால் சமர்ப்பிக்கப்பட்டது. புதிய மசோதா தயாரிப்பதற்காக, அது சட்டமூல எழுத்தாளர் (Legal Draftsman) அவர்களிடம் அனுப்ப அமைச்சரவை அனுமதி வழங்கியுள்ளது.
