காலநிலை அச்சுறுத்தல் இலங்கையின் பேரிடர் தயார்நிலை போதாது என எச்சரிக்கை

பேரிடர் முகாமைத்துவ மையத்தின் அதிகாரிகள் தெரிவிப்பதாவது காலநிலை மாற்றத்தின் தாக்கம் எதிர்காலத்தில் மேலும் அதிகரிக்கக்கூடிய நிலையில் அரச நிறுவனங்கள் மட்டுமன்றி பொதுமக்கள் மட்டத்திலும் பேரிடர் தயார்நிலை குறித்து அதிக விழிப்புணர்வு ஏற்படுத்தப்பட வேண்டும் என்பதாகும்.முன்கூட்டிய எச்சரிக்கை முறைமைகள், துல்லியமான காலநிலை தரவுகள், அவசர மீட்பு நடவடிக்கைகள் மற்றும் சமூக அடிப்படையிலான பாதுகாப்பு திட்டங்கள் ஆகியவை வலுப்படுத்தப்பட வேண்டும் என சுட்டிக்காட்டப்பட்டுள்ளது.Weather Report

இலங்கை ஏற்கனவே பருவமழை காலங்களில் வெள்ளம் மற்றும் மண்சரிவு போன்ற அனர்த்தங்களை எதிர்கொண்டு வரும் நிலையில் காலநிலை மாற்றம் காரணமாக இவற்றின் தீவிரம் அதிகரிக்கும் அபாயம் காணப்படுவதாக நிபுணர்கள் தெரிவிக்கின்றனர்.இதனால் உயிரிழப்புகள் மற்றும் பொருளாதார சேதங்களை குறைப்பதற்காக நீண்டகால பேரிடர் மேலாண்மைத் திட்டங்களை நடைமுறைப்படுத்துவது அவசியமானதாகியுள்ளது.பேரிடர்களை எதிர்கொள்ள அரசாங்கம், உள்ளூராட்சி அமைப்புகள், பாதுகாப்பு பிரிவுகள் மற்றும் பொதுமக்கள் இணைந்து செயல்பட வேண்டிய காலம் இது என அதிகாரிகள் வலியுறுத்தியுள்ளனர்.