நீதித்துறைக்கு தகவல் அளிக்கப்படும்
பிராந்திய ஆளுநர் Amaury de Saint-Quentin, இந்தச் செயலைக் கடுமையாகக் கண்டித்தார். உள்துறை அமைச்சரின் அறிவுறுத்தலின்படி, குற்றவியல் நடைமுறைச் சட்டத்தின் 40வது பிரிவின் கீழ் நீதித்துறைக்கு தகவல் அளிக்கப்படும் என்றும் அவர் தெரிவித்தார்.
சமூக வலைதளங்களில் பகிரப்பட்ட காணொளியில், அட்டைப் பெட்டியால் செய்யப்பட்ட பெரிய உருவபொம்மை தீயில் சரிந்து விழுவது தெரிகிறது. அதன் மார்பில் “CRS SS” என்று எழுதப்பட்டிருந்ததாகவும், கூட்டத்தில் இருந்த சிலர் “ACAB” என முழக்கமிட்டதாகவும் தெரிவிக்கப்பட்டுள்ளது. ACAB என்பது காவல்துறையினரை எதிர்க்கும் ஆங்கிலச் சுருக்கமாகும்.
Alliance Police nationale தொழிற்சங்கம், Strasbourg CRS mannequin எரிப்பு நிகழ்வைச் சீருடை அணிந்தவர்களுக்கு எதிரான வெறுப்பு மற்றும் வன்முறையை வெளிப்படுத்தும் நிகழ்வாகக் கண்டித்தது. பாஸ்-ரின் பகுதியைச் சேர்ந்த LR கட்சி நிர்வாகி Stéphane Bourhis, இதை வன்முறைக்கான குறியீட்டு அழைப்பு என விமர்சித்தார். ஜனநாயகத்தில் காவல் நடவடிக்கைகளை விமர்சிப்பது ஏற்றுக்கொள்ளத்தக்கது என்றாலும், இந்தச் சம்பவம் ஒரு எல்லையைத் தாண்டியதாக அவர் கூறினார்.
