ரொறன்ரோ பொலிஸாரின் தகவலின்படி உயிரிழந்த பெண் Himanshi Khurana (30) என அடையாளம் காணப்பட்டுள்ளார். 2025 டிசம்பர் 20ஆம் திகதி காலை சுமார் 6.30 மணியளவில் Strachan Avenue மற்றும் Wellington Street West பகுதியில் உள்ள வீடொன்றுக்குள் அவர் உயிரிழந்த நிலையில் கண்டுபிடிக்கப்பட்டார். அவரது மரணம் பின்னர் கொலை என வகைப்படுத்தப்பட்டது.
இந்த வழக்கில் Abdul Ghafoori (32) என்பவர் சந்தேக நபராக அடையாளம் காணப்பட்டு அவருக்கு எதிராக கனடா முழுவதும் செல்லுபடியாகும் பிடியாணை பிறப்பிக்கப்பட்டிருந்தது. பொலிஸாரின் தகவலின்படி உயிரிழந்த பெண்ணும் சந்தேக நபரும் ஒருவரையொருவர் அறிந்தவர்கள்.
ரொறன்ரோ பொலிஸின் Fugitive Squad மற்றும் Homicide and Missing Persons Unit ஆகியவை கனடா மற்றும் சர்வதேச சட்ட அமலாக்க அமைப்புகளுடன் இணைந்து சந்தேக நபரை மீண்டும் கனடாவுக்கு கொண்டுவருவதற்கான நடவடிக்கைகளை மேற்கொண்டதாக தெரிவிக்கப்பட்டுள்ளது.
இதையடுத்து 2026 ஆகஸ்ட் 7 வெள்ளிக்கிழமை Abdul Ghafoori கண்டுபிடிக்கப்பட்டு கைது செய்யப்பட்டார். அவர் மீது First Degree Murder, அதாவது முதலாம் நிலை கொலை குற்றச்சாட்டு பதிவு செய்யப்பட்டுள்ளது. ஆகஸ்ட் 8ஆம் திகதி Toronto Regional Bail Centre நீதிமன்றத்தில் ஆஜர்படுத்த ஏற்பாடு செய்யப்பட்டிருந்தது.
இந்த சம்பவம் 2025ஆம் ஆண்டில் ரொறன்ரோவில் பதிவான 40வது கொலை என பொலிஸார் தெரிவித்துள்ளனர். வழக்கு தொடர்பான குற்றச்சாட்டுகள் நீதிமன்றத்தில் இன்னும் நிரூபிக்கப்பட வேண்டியவை
