ஆறு மாதங்களுக்குள் நாடு கடத்தும் திட்டம்
புகலிடக் கோரிக்கை நிராகரிக்கப்பட்டு, அதற்கெதிரான மேல்முறையீடுகள் முடிந்த பிறகு, சம்பந்தப்பட்ட நபருக்கு தகவல் தெரிவிக்காமலேயே ஆறு மாதங்களுக்குள் அவரை நாடு கடத்த நிர்வாகத்துக்கு அனுமதி வழங்கும் வகையில் திருத்தம் முன்வைக்கப்பட்டுள்ளது.
எல்லைப் பாதுகாப்பு மற்றும் புகலிட விவகாரங்களுக்கான இணை அமைச்சர் அன்னா டர்லி இந்தத் திருத்தத்தை முன்வைத்துள்ளார். ஷபானா மக்மூத் தலைமையிலான உள்துறை அமைச்சகத்தின் குடியேற்றம் மற்றும் புகலிட மசோதா, நவம்பர் 17 அன்று பொதுமன்றத்தில் மூன்றாவது வாசிப்பில் பரிசீலிக்கப்பட்டது. அடுத்ததாக அது பிரபுக்கள் அவைக்கு செல்ல வேண்டும்.
தற்போதைய நடைமுறையில், நாடு கடத்தல் அறிவிப்பு வழங்கப்பட்ட பிறகு குறைந்தது ஐந்து வேலைநாட்கள் அவகாசம் அளிக்கப்படுகிறது. இந்தக் காலத்தில் சட்ட ஆலோசனை பெறவும், மேல்முறையீடு செய்யவும், தனிப்பட்ட ஏற்பாடுகளை மேற்கொள்ளவும் முடியும்.
அரசின் இந்த UK asylum deportation notice திட்டம், மேல்முறையீட்டு உரிமையை நடைமுறையில் கட்டுப்படுத்தும் என அகதிகள் அமைப்புகள் விமர்சித்துள்ளன. அகதிகள் கவுன்சில், இந்த மாற்றம் தேவையற்ற மனஅழுத்தத்தையும் பதற்றத்தையும் ஏற்படுத்தும் எனக் கூறியது. அசைலம் மேட்டர்ஸ் அமைப்பின் தகவல்படி, புகலிட விவகாரங்களில் 63 சதவீத மக்களுக்கு சட்ட உதவி கிடைப்பதில்லை.
ஜூன் 2025 முதல் ஜூன் 2026 வரையிலான காலத்தில் பிரிட்டனில் 85,891 புகலிடக் கோரிக்கைகள் பதிவாகியுள்ளன. முந்தைய ஆண்டின் 108,585 கோரிக்கைகளுடன் ஒப்பிடுகையில் இது 21 சதவீதக் குறைவாகும். இதுபோன்ற நடவடிக்கை டென்மார்க்கில் நடைமுறையில் இருப்பதாக பிரிட்டன் அரசு தெரிவித்துள்ளது.




























