சிப்கள் முதல் மின்சாரம் வரை உலகளாவிய சார்பு
அமெரிக்காவின் NVIDIA முன்னணி AI சிப்களை வடிவமைத்தாலும், அவற்றை பெருமளவில் தயாரிப்பது தைவானின் TSMC போன்ற நிறுவனங்களாகும். TSMC, நெதர்லாந்தின் லித்தோகிராபி கருவிகள், ஜப்பானின் தூய்மையான ரசாயனங்கள் மற்றும் தென் கொரியாவின் நினைவகக் கூறுகளைச் சார்ந்துள்ளது. இதனால் AI supply chain ஒரு நாட்டின் தொழில்நுட்ப திறனால் மட்டும் இயங்குவதில்லை.
சிப்கள் ஆயிரக்கணக்கில் இணைக்கப்பட்டு தரவு மையங்களில் இயங்குகின்றன. அவற்றுக்கு மிகப்பெரிய அளவில் மின்சாரம், நிலம், குளிரூட்டல் மற்றும் சில நேரங்களில் தண்ணீரும் தேவைப்படுகிறது. சீனா மின்சார உற்பத்தி மற்றும் உற்பத்தித் திறனில் முன்னிலையில் இருக்கிறது; அமெரிக்கா தரவு மையங்கள், தனியார் முதலீடு மற்றும் முன்னணி மாடல்களில் வலுவாக உள்ளது.
2022ஆம் ஆண்டு அமெரிக்கா சீனாவுக்கான மேம்பட்ட சிப் ஏற்றுமதியில் கட்டுப்பாடுகளைத் தொடங்கியது. அதற்கு முன், 2019ல் ஜப்பான்–தென் கொரியா மோதல் சிப் தயாரிப்பு பொருட்களின் விநியோகத்தை பாதித்தது. 2022ல் உக்ரைன் மீதான ரஷ்யப் படையெடுப்பு உலக நியான் விநியோகத்தையும் சீர்குலைத்தது. இத்தகைய நிகழ்வுகள் AI supply chain-இன் பலவீனத்தை வெளிப்படுத்துகின்றன.
ஆஸ்திரேலியா தரவு மையங்கள், ஆற்றல், முக்கிய கனிமங்கள், சுரங்கம் மற்றும் வேளாண்மை போன்ற துறைகளில் வாய்ப்புகளைத் தேடுகிறது. ஆனால் வெளிநாட்டு முதலீட்டில் உருவாகும் தரவு மையங்கள் நிலத்தையும் மின்சாரத்தையும் பயன்படுத்தினாலும், அறிவுசார் சொத்து அல்லது நீண்டகால பொருளாதார செல்வாக்கை உறுதி செய்யாமல் போகலாம். எனவே AI கொள்கை என்பது தொழில்நுட்ப முதலீடு மட்டுமல்ல; வர்த்தகம், கூட்டணிகள், குடியேற்றம் மற்றும் ஆற்றல் முடிவுகளையும் உள்ளடக்கியது.
