சிபிசிஐடி விசாரணைக்கு மாற்றப்பட்ட வழக்கு
வகுப்பறையில் ஆசிரியரும் சக மாணவர்களும் சாதி மற்றும் உணவு தொடர்பாக இழிவுபடுத்தியதால் அகிலன் தற்கொலை செய்து கொண்டதாக அவரது பெற்றோர் குற்றம்சாட்டியுள்ளனர். இதுதொடர்பாக இரண்டு சக மாணவர்கள், வகுப்பு ஆசிரியர் விஜயகுமார், தலைமை ஆசிரியர் அருண்குமார் ஆகிய நான்கு பேர் மீதும் மூன்று பிரிவுகளில் காவல்துறை வழக்குப்பதிவு செய்து விசாரணை நடத்தி வந்தது.
சாதிய வன்கொடுமை குறித்த புகாரில் நடவடிக்கை எடுக்கவில்லை எனக் கூறப்படும் தலைமை ஆசிரியர் அருண்குமாரை கைது செய்யும் வரை, அகிலனின் உடலைப் பெறமாட்டோம் என பெற்றோர், உறவினர்கள் மற்றும் பல்வேறு அமைப்பினர் போராட்டத்தில் ஈடுபட்டு வருகின்றனர்.
இதற்கிடையே, ஆசிரியர் விஜயகுமார் மற்றும் தலைமை ஆசிரியர் அருண்குமார் ஆகியோர் பணியிடைநீக்கம் செய்யப்பட்டுள்ளனர். அகிலனிடம் சாதிய பாகுபாடு காட்டியதாகக் கூறப்படும் இரண்டு மாணவர்கள் கைது செய்யப்பட்டு, சிறுவர் சீர்திருத்தப் பள்ளியில் சேர்க்கப்பட்டனர். காவல்துறை விசாரணையில் நம்பிக்கை இல்லை என பெற்றோர் தெரிவித்த நிலையில், Akilan suicide case சிபிசிஐடி விசாரணைக்கு மாற்றப்பட்டுள்ளது. விரைவில் சிபிசிஐடி அதிகாரிகள் விசாரணையைத் தொடங்குவார்கள் என எதிர்பார்க்கப்படுகிறது.
