இரு குற்றவாளிகளுக்கு ஜாமீன்
2002ஆம் ஆண்டு பில்கிஸ் பானுவைக் கூட்டுப் பாலியல் வன்கொடுமை செய்ததுடன், அவரது குடும்பத்தைச் சேர்ந்த 14 பேரைக் கொலை செய்த வழக்கில் 11 பேர் தண்டனை பெற்றனர். இவர்களில் இருவரின் தண்டனையை நிறுத்தி வைத்து, உச்ச நீதிமன்ற நீதிபதிகள் எம். எம். சுந்தரேஷ் மற்றும் பி. பி. வராலே அடங்கிய அமர்வு கடந்த அக்டோபர் 28ஆம் தேதி ஜாமீன் வழங்கியது.
இந்த உத்தரவு குறித்து தனக்கு எந்தத் தகவலும் தெரிவிக்கப்படவில்லை என பில்கிஸ் பானு தெரிவித்துள்ளார். தன்னை அழைக்காமலும், தன் தரப்பு வாதத்தைக் கேட்காமலும் நீதிமன்றம் மீண்டும் இத்தகைய உத்தரவைப் பிறப்பித்திருப்பதை நம்ப முடியவில்லை என்றும் அவர் கூறியுள்ளார்.
24 ஆண்டுகளாக நீதி கேட்டு போராடி வருவதாகவும், தற்போது பழைய பயங்கள் மீண்டும் தலைதூக்குவதாகவும் அவர் தெரிவித்துள்ளார். தன்னுக்கும், குடும்பத்தினருக்கும், குழந்தைகளுக்கும் மீண்டும் அச்சம் ஏற்பட்டுள்ளதாகவும், நீதியின் மீதான நம்பிக்கையை இழந்துவிடுவோமோ என அஞ்சுவதாகவும் கூறியுள்ளார்.
Bilkis Bano bail case உத்தரவை எதிர்த்து போராடுவேன் எனத் தெரிவித்துள்ள அவர், தன் குழந்தைகளுக்காகவும், உயிரிழந்த தனது மூன்று வயது மகள் சலேஹாவின் நினைவுக்காகவும், உலகெங்கிலும் உள்ள பெண்கள் மற்றும் பாதிக்கப்பட்டவர்களுக்காகவும் இந்தப் போராட்டத்தைத் தொடர வேண்டிய கட்டாயம் இருப்பதாகக் கூறியுள்ளார்.

































