முன்னுரிமை பெறும் தொழில் பிரிவுகள்
சுகாதாரம் மற்றும் சமூக சேவைகள், திறன்மிக்க தொழில்கள், கல்வி, அறிவியல், தொழில்நுட்பம், பொறியியல் மற்றும் கணிதம் (STEM), போக்குவரத்து ஆகிய துறைகள் முன்னுரிமைப் பிரிவுகளில் இடம்பெற்றுள்ளன.
இதனுடன், மருத்துவர்கள், ஆராய்ச்சியாளர்கள் மற்றும் கனடாவில் பணியாற்றிய அனுபவமுள்ள மூத்த மேலாளர்களுக்கும் வாய்ப்புகள் இருப்பதாக தெரிவிக்கப்பட்டுள்ளது. பிரெஞ்சு மொழித் திறன் கொண்டவர்களும் Express Entry முறையின் கீழ் முன்னுரிமை பெறும் பிரிவாக அடையாளப்படுத்தப்பட்டுள்ளனர்.
Canada Express Entry categories அடிப்படையிலான அழைப்புகள் மூலம், குறிப்பிட்ட தகுதிகள், பணியனுபவம் அல்லது மொழித் திறன் கொண்டவர்கள் நிரந்தரக் குடியிருப்புக்கு விண்ணப்பிக்க அழைக்கப்படலாம். எனினும், ஒவ்வொரு விண்ணப்பதாரரும் நடைமுறையில் உள்ள தகுதி நிபந்தனைகளை பூர்த்தி செய்ய வேண்டும். இந்த அறிவிப்பு, கனடாவில் குடியேற விரும்பும் திறமையான இலங்கை நிபுணர்களுக்கும் தொடர்புடையதாகும்.






























