கனடாவில் PR பெற்றவர்களுக்கு – புதிய கால வரம்பு.

கனடாவில் நிரந்தர குடியிருப்பு (PR) பெற்றவர்களுக்கு அரசு வழங்கும் Settlement சேவைகள் பெறும் விதிகளில் முக்கியமான மாற்றம் நடந்துள்ளது.

இந்த Settlement சேவைகள் என்பது ஆங்கிலம்/பிரெஞ்சு மொழி வகுப்புகள், வேலை தேட உதவி, CV தயாரித்தல், புதிய நாட்டில் வாழ்க்கை அமைப்பதில் வழிகாட்டல், சமூக இணைப்பு உதவி போன்ற ஆதரவுகளை குறிக்கிறது. புதிய விதிப்படி 1 ஏப்ரல் 2026 முதல் PR பெற்றவர்கள் அதிகபட்சம் 6 ஆண்டுகள் வரை மட்டுமே இந்த சேவைகளை இலவசமாகப் பயன்படுத்த முடியும்.

மேலும், 1 ஏப்ரல் 2027 முதல் இந்த காலவரம்பு 5 ஆண்டுகளாக குறைக்கப்படும். இதன் பொருள் PR பெற்ற நாள் முதல் குறிப்பிட்ட காலத்துக்குப் பிறகு அரசு வழங்கும் இலவச Settlement சேவைகள் பெற முடியாது.

இந்த மாற்றம் Economic immigrants (வேலை, திறமை, கல்வி காரணமாக PR பெற்றவர்கள்) மற்றும் அவர்களுடன் வரும் மனைவி/கணவர் மற்றும் பிள்ளைகள் அனைவருக்கும் பொருந்தும். கனடா அரசு புதிய குடியேற்றர்கள் PR பெற்ற உடனே இந்த உதவிகளை பயன்படுத்த தாமதிக்காமல் செயல்பட வேண்டும் என்று அறிவுறுத்தியுள்ளது.