கனடா இரண்டு வகையான பயண ஆவணங்களை வழங்குகிறது
- Refugee Travel Document (அகதி பயண ஆவணம்)
- Certificate of Identity (அடையாளச் சான்றிதழ்)
Refugee Travel Document என்பது Convention Refugees மற்றும் Protected Persons களுக்காக வழங்கப்படுகிறது. Certificate of Identity என்பது தங்கள் சொந்த நாட்டிலிருந்து பாஸ்போர்ட் பெற முடியாத அல்லது குடியுரிமையற்ற நிரந்தர குடியிருப்பாளர்களுக்கு வழங்கப்படுகிறது.
இந்த ஆவணங்களுக்கான விண்ணப்பப் படிவம் ஒன்றே ஆகும். விண்ணப்பம் பரிசீலிக்கப்பட்ட பிறகு எந்த வகையான ஆவணம் வழங்கப்பட வேண்டும் என்பதையும் அதன் செல்லுபடியாகும் காலத்தையும் கனடா குடியேற்ற அதிகாரிகள் தீர்மானிப்பார்கள்.
முக்கியமாக Refugee Travel Document அல்லது Certificate of Identity வைத்திருப்பவர்கள் தங்களது குடியுரிமை நாட்டிற்கு இந்த ஆவணத்தை பயன்படுத்தி பயணம் செய்ய முடியாது. மேலும் பயணம் செய்ய முன் செல்லும் நாட்டின் தூதரகத்துடன் தொடர்புகொண்டு அந்த ஆவணம் ஏற்றுக்கொள்ளப்படுமா என்பதை உறுதிப்படுத்திக் கொள்ள வேண்டும்.
2026 ஆம் ஆண்டின் நடைமுறைகளின்படி இந்த ஆவணங்களுக்கு விண்ணப்பிப்பவர்கள் கனடாவில் இருக்க வேண்டும். விண்ணப்பங்கள் தபால் (Mail) மூலமாக மட்டுமே சமர்ப்பிக்கப்பட வேண்டும் நேரடி (In-person) சேவை தற்போது கிடைக்காது.
விண்ணப்பிப்பது எப்படி
விண்ணப்பிக்க விரும்புபவர்கள் முதலில் PPTC 190 என்ற விண்ணப்பப் படிவத்தை பதிவிறக்கம் செய்து முழுமையாக நிரப்ப வேண்டும். விண்ணப்பத்தில் உள்ள அனைத்து பக்கங்களிலும் கையொப்பமிடப்பட வேண்டும். விண்ணப்பத்துடன் சமீபத்திய புகைப்படங்கள் கனடாவில் உள்ள உங்கள் குடியேற்ற அல்லது அகதி நிலையை நிரூபிக்கும் ஆவணங்கள் அடையாள ஆவணங்கள் மற்றும் தேவையான ஆதார ஆவணங்கள் இணைக்கப்பட வேண்டும்.
PPTC 190 பதிவிறக்கம் செய்யவும்
விண்ணப்பிக்க தேவையான ஆவணங்கள்
1. விண்ணப்பப் படிவம்
PPTC 190 (Adult Travel Document Application) படிவத்தை பூர்த்தி செய்ய வேண்டும்.
2. புகைப்படங்கள்
- கடந்த 6 மாதங்களுக்குள் எடுக்கப்பட்ட 2 ஒரே மாதிரியான புகைப்படங்கள்
- கனடா பாஸ்போர்ட் புகைப்பட விதிமுறைகளுக்கு ஏற்ப இருக்க வேண்டும்
3. ஆதார ஆவணங்கள்
- பாதுகாக்கப்பட்ட நபர் நிலை ஆவணம்
- முடிவு அறிவிப்பு
- நிரந்தர வதிவிடத்தை உறுதிப்படுத்துதல் (தேவைப்பட்டால்)
- தரையிறங்கும் பதிவு
- குடியுரிமை அல்லது குடிவரவு ஆவணங்கள்
4. அடையாள ஆவணங்கள்
கீழ்கண்டவற்றில் ஒன்று அல்லது அதற்கு மேற்பட்டவை
- ஓட்டுநர் உரிமம்
- மாகாண அடையாள அட்டை
- சுகாதார அட்டை (சில மாகாணங்களில்)
- நிரந்தர குடியுரிமை அட்டை
5. Guarantor (உறுதிப்படுத்துபவர்)
விண்ணப்பத்தை உறுதிப்படுத்த ஒரு Guarantor தேவைப்படலாம்.
- உங்களை குறைந்தது 6 மாதங்களாக அறிந்திருக்க வேண்டும்
- செல்லுபடியாகும் கனடிய பாஸ்போர்ட் அல்லது தொழில்முறை தகுதி கொண்டவராக இருக்க வேண்டும்
விண்ணப்ப கட்டணங்கள் (2026)
அகதி பயண ஆவணம்
- 16 வயது மற்றும் அதற்கு மேற்பட்டவர்கள்: CAD $122.50
- 15 வயது மற்றும் அதற்கு குறைவானவர்கள்: CAD $57.00
அடையாளச் சான்றிதழ்
- 16 வயது மற்றும் அதற்கு மேற்பட்டவர்கள்: CAD $260.00
- 15 வயது மற்றும் அதற்கு குறைவானவர்கள்: CAD $141.00
நீங்கள் இங்கே பணம் செலுத்தலாம்
முதலில் விண்ணப்பப் படிவத்தை முழுமையாகவும் சரியாகவும் நிரப்ப வேண்டும். அதன் பின்னர் தேவையான அனைத்து ஆதார ஆவணங்கள் அடையாள ஆவணங்கள் மற்றும் புகைப்படங்களை இணைக்க வேண்டும். விண்ணப்பக் கட்டணத்தை ஆன்லைனில் செலுத்திய பிறகு அதன் ரசீதை அச்சிட்டு விண்ணப்பத்துடன் சேர்க்க வேண்டும். அனைத்து ஆவணங்களும் தயாரானதும் அவற்றை அஞ்சல் மூலம் Passport Program அலுவலகத்திற்கு அனுப்ப வேண்டும். Courier சேவையை பயன்படுத்துபவர்கள்
Humanitarian and Identity Operations Branch – PPT-COI
3050 Wilson Ave
New Waterford, NS B1H 5V8
என்ற முகவரிக்கு அனுப்ப வேண்டும்.
சாதாரண அஞ்சல் (non-courier) மூலம் அனுப்புபவர்கள்
POD PPT-COI, POD PPT-COI
PO Box 8100 Stn A
Sydney, NS B1P 0M2
என்ற முகவரியை பயன்படுத்த வேண்டும்.
Refugee Travel Document அல்லது Certificate of Identity க்காக விண்ணப்பத்தை அனுப்பிய பிறகு Passport Program அதிகாரிகள் உங்கள் விண்ணப்பம் முழுமையாக உள்ளதா என்பதை முதலில் பரிசோதிப்பார்கள். தேவையான அனைத்து ஆவணங்களும், புகைப்படங்களும் கட்டண ரசீதும் சரியாக சமர்ப்பிக்கப்பட்டிருந்தால் மட்டுமே செயலாக்கம் தொடங்கப்படும்.
விண்ணப்பத்தில் தகவல்கள் குறைவாக இருந்தால் அல்லது கூடுதல் ஆதாரங்கள் தேவைப்பட்டால் அதிகாரிகள் உங்களை தொடர்புகொண்டு மேலதிக ஆவணங்களை கோரலாம். இதனால் செயலாக்க நேரம் நீளக்கூடும்.
உங்கள் விண்ணப்பம் பரிசீலிக்கப்பட்ட பிறகு, நீங்கள் Refugee Travel Document பெற தகுதியானவரா அல்லது Certificate of Identity வழங்கப்பட வேண்டுமா என்பதை கனடா அரசு தீர்மானிக்கும். எந்த ஆவணம் வழங்கப்பட வேண்டும் மற்றும் அதன் செல்லுபடியாகும் காலம் எவ்வளவு என்பது முழுமையாக Passport Program இன் முடிவாகும்.
விண்ணப்பம் அங்கீகரிக்கப்பட்டதும் உங்கள் புதிய பயண ஆவணம் அஞ்சல் மூலம் உங்களுக்கு அனுப்பப்படும். இந்த ஆவணங்கள் கனடாவிற்குள் மட்டுமே வழங்கப்படுகின்றன.
செயலாக்க நேரம் விண்ணப்பங்களின் எண்ணிக்கை பாதுகாப்பு மற்றும் அடையாளச் சரிபார்ப்புகள் மேலும் விண்ணப்பத்தின் முழுமை போன்ற காரணிகளைப் பொறுத்து மாறுபடும். பொதுவாக இது பல வாரங்கள் முதல் சில மாதங்கள் வரை ஆகலாம்.
