பீளமேடு பகுதியில் உள்ள கே.கே. நாயுடு அரசு உதவி பெறும் பள்ளியில் அகிலன் படித்து வந்தார். கடந்த 21ஆம் தேதி அவர் வீட்டில் தூக்கிட்டு உயிரிழந்தார். வகுப்பறையில் சாதி குறித்து ஆசிரியரும் சக மாணவர்களும் இழிவாகப் பேசியதால் அவர் இந்த முடிவை எடுத்ததாக பெற்றோர் குற்றம்சாட்டினர்.
நான்கு பேர் மீது காவல்துறை வழக்குப்பதிவு
இந்தப் புகார் தொடர்பாக இரு சக மாணவர்கள், வகுப்பு ஆசிரியர் விஜயகுமார் மற்றும் தலைமை ஆசிரியர் அருண் குமார் ஆகிய நான்கு பேர் மீது மூன்று பிரிவுகளின் கீழ் காவல்துறையினர் வழக்குப்பதிவு செய்து விசாரணை நடத்தி வருகின்றனர். சாதிய பாகுபாடு காட்டியதாகக் கூறப்படும் இரு மாணவர்கள் கைது செய்யப்பட்டு, சிறுவர் சீர்திருத்தப் பள்ளியில் சேர்க்கப்பட்டுள்ளனர்.
தலைமை ஆசிரியரை கைது செய்ய வேண்டும், பள்ளியின் அங்கீகாரத்தை ரத்து செய்ய வேண்டும் உள்ளிட்ட கோரிக்கைகளை முன்வைத்து மாணவரின் பெற்றோர், உறவினர்கள் மற்றும் பல்வேறு அமைப்புகளைச் சேர்ந்த நூற்றுக்கும் மேற்பட்டோர் கோவை மாவட்ட ஆட்சியர் அலுவலகம் முன்பு காத்திருப்புப் போராட்டத்தில் ஈடுபட்டனர்.
Coimbatore caste discrimination case தொடர்பாக எடுக்கப்பட்ட நடவடிக்கைகள் குறித்து ஒரு வாரத்திற்குள் அறிக்கை சமர்ப்பிக்க வேண்டும் என கோவை மாநகரக் காவல் ஆணையருக்கு தமிழ்நாடு ஆதிதிராவிடர் மற்றும் பழங்குடியினர் மாநில ஆணையம் உத்தரவிட்டுள்ளது.
