கடல் நிலை மிகவும் rough ஆகும் அபாயம்
இன்று 26ஆம் திகதி காலை 9.30 மணிக்கு வெளியிடப்பட்ட எச்சரிக்கையின்படி, கிழக்கு மத்திய மற்றும் அதனை ஒட்டிய தென்கிழக்கு வங்காள விரிகுடாவில் நிலைகொண்டிருந்த ஆழ்ந்த காற்றழுத்தத் தாழ்வு மண்டலம் புயலாக மாறியுள்ளது. காலை 5.30 மணியளவில், அது 15.4° வடக்கு அட்சரேகை மற்றும் 88.9° கிழக்கு தீர்க்கரேகைக்கு அருகில் காணப்பட்டது.
இந்த அமைப்பு மேற்கு-வடமேற்கு திசையில் நகர்ந்து, இன்று இரவுக்குள் மேற்கு மத்திய வங்காள விரிகுடாவில் தீவிர புயலாக வலுப்பெறக்கூடும். நாளை 27ஆம் திகதி அதே பகுதியில் மிகத் தீவிர புயலாக மாறும் என எதிர்பார்க்கப்படுகிறது.
பாதிக்கப்பட்ட கடற்பரப்புகளில் காற்றின் வேகம் அவ்வப்போது மணிக்கு 80 முதல் 100 கிலோமீற்றர் வரை அதிகரிக்கலாம். இடியுடன் கூடிய கனமழையும், சுமார் 3 முதல் 4 மீற்றர் உயரம் கொண்ட அலைகளும் ஏற்படக்கூடும். இதனால் கடல் நிலை மிகவும் கொந்தளிப்பாக இருக்கும்.
10° முதல் 20° வடக்கு அட்சரேகை மற்றும் 80° முதல் 95° கிழக்கு தீர்க்கரேகைக்கு இடைப்பட்ட கடற்பகுதிகளுக்குள் மறு அறிவிப்பு வரும் வரை செல்ல வேண்டாம் என அறிவுறுத்தப்பட்டுள்ளது. ஏற்கனவே அப்பகுதியில் உள்ளவர்கள் பாதுகாப்பான திசைக்கு விலகிச் செல்ல வேண்டும். Cyclone Arnab warning தொடர்பான அடுத்தடுத்த வானிலை அறிவிப்புகளைத் தொடர்ந்து கவனிக்குமாறும் கேட்டுக்கொள்ளப்பட்டுள்ளது. இந்த சிவப்பு எச்சரிக்கை காலை 9.30 மணியிலிருந்து 12 மணி நேரத்துக்கு அமலில் இருக்கும்.
