ஜெர்மனியில் பதிவான புதிய தரவுகள்
ஜெர்மனியின் கூட்டாட்சி குடியேற்றம் மற்றும் அகதிகள் அலுவலகம் வெளியிட்ட தகவலின்படி, ஜூலை, ஆகஸ்ட் மற்றும் செப்டம்பர் மாதங்களில் மொத்தம் 14,353 பேர் நாட்டின் புகலிட அமைப்பில் புதியவர்களாகப் பதிவு செய்யப்பட்டனர். இவர்களில் சுமார் 78 சதவீதம் பேர், அதற்கு முன் ஐரோப்பிய ஒன்றியத்தின் வேறு எந்த நாட்டிலும் பதிவு செய்யப்படவில்லை.
ஐரோப்பிய ஒன்றியத்தின் பொதுவான புகலிட அமைப்பு ஜூன் 12ஆம் தேதி முதல் நடைமுறைக்கு வந்தது. இதன்படி, ஒழுங்கற்ற முறையில் ஒன்றியத்துக்குள் நுழையும் நபர்கள் வெளிப்புற எல்லைகளில் பதிவு செய்யப்பட்டு, ஆரம்ப சோதனைக்கு உட்படுத்தப்பட வேண்டும். கைரேகை, பிறந்த நாடு, உடல்நிலை மற்றும் சாத்தியமான பாதுகாப்பு அபாயங்கள் உள்ளிட்ட தகவல்கள் மத்திய தரவுத்தளமான யூரோடாக்கில் பதிவு செய்யப்பட வேண்டும். இதன் மூலம், புகலிடக் கோரிக்கையை எந்த நாடு விசாரிக்க வேண்டும் என்பதை தீர்மானிக்க உதவும் என எதிர்பார்க்கப்படுகிறது.
EU asylum registration முறையின் செயல்திறனை மதிப்பிடுவதற்கு இன்னும் கால அவகாசம் தேவைப்படுவதாக ஜெர்மனி உள்துறை அமைச்சகம் தெரிவித்துள்ளது. புதிய விதிகளுடன் சோதனை நடைமுறை சமீபத்தில்தான் தொடங்கியதால், இதுவரை நடைமுறை அனுபவமும் தரவுகளும் குறைவாக உள்ளதாக அமைச்சகப் பேச்சாளர் கூறினார். ஐரோப்பிய ஆணையம் தனது ஆண்டுக்கான புகலிட மற்றும் குடியேற்ற அறிக்கையை வெள்ளிக்கிழமை பிரஸ்ஸல்ஸில் வெளியிட உள்ளது.
