புதிய ஒப்பந்தத்தின் கீழ் ஒரு அகதி முதன்முதலில் ஐரோப்பிய ஒன்றியத்திற்குள் நுழைந்த நாடே அவரது அகதி விண்ணப்பத்தை பரிசீலிக்க பொறுப்பானதாகும். இதனால் பின்னர் வேறு உறுப்புநாடுகளுக்குச் சென்றவர்களை மீண்டும் அந்த முதல் நாட்டிற்கு திருப்பி அனுப்பும் நடைமுறை அறிமுகப்படுத்தப்பட்டுள்ளது.
ஆனால் இந்த நடைமுறையை செயல்படுத்தும்போது தகவல் பரிமாற்றம் வழக்குகளை ஒருங்கிணைத்தல் நிர்வாக தாமதங்கள் மற்றும் உறுப்புநாடுகளுக்கிடையிலான ஒத்துழைப்பு போன்ற விடயங்களில் இன்னும் குறைபாடுகள் இருப்பதாக ஐரோப்பிய ஆணையம் சுட்டிக்காட்டியுள்ளது. குறிப்பாக இத்தாலிக்கான மீள அனுப்பும் செயல்முறைகளில் இந்த சவால்கள் தென்படுகின்றன.
இருப்பினும் இவை புதிய அமைப்பு அமல்படுத்தப்பட்ட தொடக்ககட்டத்தில் எதிர்பார்க்கப்பட்ட teething problems எனப்படும் ஆரம்பகட்ட சவால்களாகவே கருதப்படுகின்றன என்றும் உறுப்புநாடுகளுடன் இணைந்து இந்த குறைபாடுகளை சரிசெய்ய ஐரோப்பிய ஆணையம் தொடர்ந்து பணியாற்றி வருவதாகவும் தெரிவிக்கப்பட்டுள்ளது.
