பிரான்ஸில் 50 யூரோ எரிபொருள் உதவி

பிரான்ஸில் எரிபொருள் விலை உயர்வின் தாக்கத்தை குறைக்கும் வகையில், வேலைக்காக தனிப்பட்ட வாகனத்தை பயன்படுத்தும் “grands rouleurs” எனப்படும் அதிக தூரம் பயணம் செய்பவர்களுக்கு 50 யூரோ எரிபொருள் உதவி வழங்கப்பட உள்ளது.

இந்த உதவிக்கு பிரான்ஸில் வசிப்பது 2024-ல் பிரான்ஸில் வரி முகவரி வைத்திருப்பது 2009 ஜனவரி 1-க்கு முன் பிறந்திருக்க வேண்டும் போன்ற நிபந்தனைகள் உள்ளன.

மேலும் வீடு-வேலை இடம் ஒரு வழி குறைந்தது 15 கி.மீ. இருக்க வேண்டும் அல்லது தொழில் காரணமாக ஆண்டுக்கு குறைந்தது 8,000 கி.மீ. பயணம் செய்திருக்க வேண்டும்.

2024 வருமான அடிப்படையில் ஒரு பங்குக்கு வரி வருமானம் 16,880 யூரோவுக்கு சமமாக அல்லது அதற்குக் குறைவாக இருக்க வேண்டும். விண்ணப்பப் படிவம் மே 27 முதல் impots.gouv.fr இணையதளத்தில் கிடைக்கும்.

தகுதி உள்ளவர்களுக்கு சுமார் 10 நாட்களில் வங்கி கணக்கில் தொகை செலுத்தப்படும்.