பிரான்சில் தேசிய ரயில் நிறுவனம் SNCF-இல் ஜூன் 10 ஆம் தேதி நடைபெறவுள்ள 24 மணி நேர வேலைநிறுத்தம் காரணமாக நாடு முழுவதும் ரயில் சேவைகள் கடுமையாக பாதிக்கப்படவுள்ளன. SNCF வெளியிட்ட தகவலின்படி சராசரியாக மூன்றில் ஒரு பங்கு TGV அதிவேக ரயில்கள் ரத்து செய்யப்படவுள்ளன.

மேலும், Intercités சேவைகளில் பாதி ரயில்கள் மட்டுமே இயக்கப்படவுள்ளன. Île-de-France உள்ளிட்ட பல பிராந்தியங்களில் TER மற்றும் பிற உள்ளூர் ரயில் சேவைகள் கடுமையாக பாதிக்கப்படும் என எச்சரிக்கப்பட்டுள்ளது. பயணிகள் தங்களின் ரயில் முன்பதிவு நிலையை முன்கூட்டியே சரிபார்க்கவும் ரத்து செய்யப்பட்ட பயணங்களுக்கு மாற்று முன்பதிவு அல்லது பணத்தைத் திரும்பப் பெறும் வசதிகள் வழங்கப்படும் என்றும் SNCF தெரிவித்துள்ளது.

இந்த வேலைநிறுத்தத்தை நான்கு முக்கிய தொழிற்சங்கங்கள் ஒருங்கிணைத்து நடத்துகின்றன. அவர்கள் சம்பள உயர்வு, நிறுவன மறுசீரமைப்பு மற்றும் தனியார்மயப்படுத்தல் நடவடிக்கைகளுக்கு எதிர்ப்பு தெரிவித்து வருகின்றனர்.