இலங்கையர்களிடையே தொழில்முனைவு மனப்பாங்கை வளர்த்து, நாட்டுக்கான செல்வ உருவாக்கத்தை ஊக்குவிப்பதே தளத்தின் முக்கிய நோக்கம் எனத் தெரிவிக்கப்பட்டது. பங்கேற்பாளர்கள் அறிவைப் பகிர்ந்து கொள்ளவும், உலகளாவிய வணிக வாய்ப்புகளை ஆராயவும், தொழில்முனைவு தொடர்பான தகவல்களைப் பெறவும் இதில் சம வாய்ப்புகள் வழங்கப்படும்.
தொழில்முனைவு மனப்பாங்கை வளர்க்கும் முயற்சி
இலங்கையில் கடந்த ஏறத்தாழ ஒரு தசாப்தமாக தொழில்முனைவு சிந்தனையை ஊக்குவிக்கும் முயற்சிகள் இடம்பெற்று வருவதாக திலித் ஜயவீர தெரிவித்தார். வெளிநாடுகளில் வசிக்கும் வெற்றிகரமான இலங்கைத் தொழில்முனைவோர் பலரும் இந்த முயற்சிக்கு ஏற்கனவே ஆதரவு தெரிவித்துள்ளதாக அவர் கூறினார்.
ஒருவருக்கு சொந்தமாகத் தொழில் இருக்க வேண்டும் என்ற கட்டாயம் இல்லை என்றும், Global Lankan Entrepreneur Club அனைவரிடமும் தொழில்முனைவு மனப்பாங்கை உருவாக்கும் நோக்கத்தைக் கொண்டது என்றும் அவர் விளக்கினார். இலங்கையிலும் வெளிநாடுகளிலும் உள்ளவர்களை இணைத்து, தாய்நாட்டுக்கான செல்வத்தை உருவாக்குவதே இறுதி நோக்கம் எனவும் அவர் குறிப்பிட்டார். கொழும்பில் நடைபெற்ற தொடக்க நிகழ்வில் பல தொழில்முனைவோரும் நிபுணர்களும் பங்கேற்றனர்.
