2022 ஆம் ஆண்டு பல்கலைக்கழகத்தில் அரச நிதி துஷ்பிரயோகம் இடம்பெற்றதாக பகிரங்கமாகக் குற்றஞ்சாட்டியதன் அடிப்படையில் பல்கலைக்கழக விதிமுறைகளை மீறியதாகக் கூறி அவரை தாவரவியல் துறைத் தலைவர் பதவியில் இருந்து அப்போதைய பேரவை நீக்கியிருந்தது. அந்தப் பதவி நீக்கம் சட்டவிரோதமானது என்றும் 2022 ஆகஸ்ட் 27 முதல் அமுலாகும் வகையில் மீண்டும் துறைத் தலைவராக நியமிக்க உத்தரவிடுமாறும் பேராசிரியர் ஆர். கபிலன் மேன்முறையீட்டு மனுவைத் தாக்கல் செய்திருந்தார்.
இந்த மனு தொடர்பான தீர்ப்பை கடந்த ஜூன் 30ஆம் தேதி வழங்கிய மேன்முறையீட்டுச் சபை முறைப்பாட்டில் முன்வைக்கப்பட்ட குற்றச்சாட்டுகளை விசாரிக்கும் அதிகாரம் தமக்கு இல்லை எனக் குறிப்பிட்டு மனுவை நிராகரித்துள்ளது. இதேவேளை பல்கலைக்கழகத்திற்கு எதிராக நீதிமன்றத்தில் தாக்கல் செய்யப்பட்டிருந்த வழக்குகளையும் பேராசிரியர் ஆர். கபிலன் கடந்த ஆண்டு மீளப்பெற்றிருந்தமை குறிப்பிடத்தக்கது.
