ஜப்பான் அமைச்சரவை வெள்ளிக்கிழமை இந்த மாற்றத்திற்கு ஒப்புதல் வழங்கியுள்ளதாக அதிகாரிகள் தெரிவித்துள்ளனர். புதிய கட்டணங்கள் 2026 ஜூலை 1 முதல் சமர்ப்பிக்கப்படும் அனைத்து விசா விண்ணப்பங்களுக்கும் அமல்படுத்தப்படும்.
புதிய கட்டண அமைப்பின் கீழ் ஒற்றை நுழைவு (Single Entry) விசாவின் கட்டணம் 3,000 யெனிலிருந்து 15,000 யெனாக உயர்த்தப்பட்டுள்ளது. அதேவேளை பலமுறை நுழைவு (Multiple Entry) விசாவின் கட்டணம் 6,000 யெனிலிருந்து 30,000 யெனாக அதிகரிக்கப்பட்டுள்ளது.
இந்த மாற்றம் குறித்து கருத்து தெரிவித்த ஜப்பான் வெளியுறவு அமைச்சர் தொஷிமிட்சு மோதேகி(Toshimitsu Motegi) தற்போதைய விசா கட்டணங்கள் 1978 ஆம் ஆண்டில் நிர்ணயிக்கப்பட்டவை என்றும் அதன்பிறகு ஏற்பட்ட பணவீக்கம் மற்றும் நாணய மாற்று விகித மாற்றங்களை கருத்தில் கொண்டு கட்டணங்கள் திருத்தப்பட்டுள்ளதாகவும் தெரிவித்துள்ளார்.
பயணம், கல்வி, வேலை மற்றும் சுற்றுலா நோக்கங்களுக்காக ஜப்பான் செல்ல திட்டமிடும் வெளிநாட்டவர்கள் இந்த புதிய கட்டண உயர்வால் நேரடியாக பாதிக்கப்படுவார்கள் என எதிர்பார்க்கப்படுகிறது. குறிப்பாக ஜப்பான் விசா கட்டணம் உயர்வு காரணமாக எதிர்கால பயண செலவுகள் கணிசமாக அதிகரிக்கக்கூடும்.
