ஃப்ளெமிங்டன் குதிரைப் பந்தயத் திடலில் உள்ள காட்சிப் பெட்டியில் இருந்து நேற்று காலை சுமார் 6.30 மணிக்கு கோப்பைகள் திருடப்பட்டன. உயர் தெரிவுநிலை ஆடைகள் அணிந்திருந்ததாக நம்பப்படும் இருவர், பந்தயத் திடலுக்குள் நுழைந்து கோப்பைகளை எடுத்துச் சென்றதாகத் தெரிவிக்கப்பட்டுள்ளது.
கோப்பைகளைத் தேடும் விசாரணை தொடர்கிறது
விக்டோரியா காவல்துறை, மவுண்ட் வேவர்லியில் உள்ள ஒரு சொத்தில் நேற்று இரவு சோதனை நடத்தி, மல்வெர்ன் ஈஸ்ட்டைச் சேர்ந்த 36 வயது நபரை கைது செய்தது. அவரிடம் விசாரணை நடத்தப்பட்ட பின்னர், வழக்கு அழைப்பாணை வரும்வரை அவர் விடுவிக்கப்பட்டுள்ளார். Makybe Diva trophies theft தொடர்பான விசாரணை தொடர்ந்து நடைபெற்று வருகிறது.
ஒவ்வொரு கோப்பையும் 1 மில்லியன் டொலர் மதிப்புடையது. மூன்று கோப்பைகளும் செப்டம்பர் முதல் ஸ்பிரிங் ரேசிங் கார்னிவலுக்காக பந்தயத் திடலில் காட்சிப்படுத்தப்பட்டிருந்தன.
கோப்பைகளின் முன்னாள் உரிமையாளர் டோனி சான்டிக், அவை திருடப்பட்டதால் மிகவும் அதிர்ச்சியடைந்ததாகவும், அவை சேதமின்றி திரும்ப வேண்டும் என்றும் கூறியுள்ளார். விக்டோரியா ரேசிங் கிளப்பும் சம்பவத்துக்கு ஆழ்ந்த கவலை தெரிவித்துள்ளது.
மெல்போர்ன் கப்பை தொடர்ந்து மூன்று ஆண்டுகள் வென்ற ஒரே குதிரை Makybe Diva ஆகும். அந்த மூன்று வெற்றிகளிலும் ஜாக்கி கிளென் பாஸ் சவாரி செய்தார். 27 வயதில் வயிற்றுக் குடல் தொடர்பான நோயால் Makybe Diva இந்த ஆண்டின் தொடக்கத்தில் உயிரிழந்தது.































