2028 ஆகஸ்ட் 24 அன்று சிறைக்கு திரும்ப உத்தரவு
நவம்பர் 6ஆம் தேதி வழங்கப்பட்ட விடுவிப்பு உத்தரவை மாற்ற வேண்டும் என்று மலேசிய சட்டத்துறை அலுவலகம் உயர் நீதிமன்றத்தில் கோரிக்கை விடுத்தது. அந்த உத்தரவு, அபராதம் செலுத்திய பின்னர் விடுவிப்பதற்கான வழக்கமான படிவத்தைப் பயன்படுத்தியதால், நஜிப்பின் மீதமுள்ள SRC சிறைத்தண்டனையும் முடிவடைந்ததாகத் தவறாகப் புரிந்துகொள்ள வாய்ப்புள்ளதாக அரசு தரப்பு தெரிவித்தது.
நஜிப் செலுத்திய 50 மில்லியன் ரிங்கிட் அபராதம், அபராதத்தை செலுத்தாததற்கான கூடுதல் சிறைத்தண்டனை தொடர்பான பொறுப்பை நீக்கியதாகவும், ஆனால் SRC வழக்கில் மீதமுள்ள சிறைத்தண்டனையை அது ரத்து செய்யவில்லை என்றும் அரசு தரப்பு விளக்கியது.
எனவே, SRC சிறைத்தண்டனை 2028 ஆகஸ்ட் 23ஆம் தேதியுடன் முடிவடையும் எனத் தெளிவாக குறிப்பிட வேண்டும் என்று கோரப்பட்டது. அதன்பின், Najib house arrest உத்தரவின்படி அவர் 2028 ஆகஸ்ட் 24ஆம் தேதி காஜாங் சிறைக்கு திரும்பி 1MDB வழக்கில் விதிக்கப்பட்ட தண்டனையை அனுபவிக்க வேண்டும்.
நீதிபதி டத்தோ அஸ்லாம் ஸைனுதீன், நவம்பர் 6ஆம் தேதியிட்ட உத்தரவை முழுமையாக ரத்து செய்து, அரசு தரப்பு கோரிய புதிய உத்தரவை அனுமதித்தார். நஜிப்பின் முதன்மை வழக்கறிஞர் டான் ஸ்ரீ முஹம்மது ஷபீ அப்துல்லா, அபராதம் செலுத்தப்பட்டதால் முந்தைய உத்தரவே தெளிவாக இருந்ததாக வாதிட்டார். இருப்பினும், நீதிமன்றத்தின் விளக்கத்தை அவர் வரவேற்றார்.
