இதன் அடிப்படையில் பொதுமக்களிடமிருந்து நிதி திரட்டி புனரமைப்பு பணிகளை முன்னெடுக்க தீர்மானிக்கப்பட்டுள்ளதாகவும் அதற்கான நிதி தொல்லியல் திணைக்களத்திடம் இல்லாத காரணத்தால் பொதுமக்களின் பங்களிப்பு அவசியம் எனவும் அவர் குறிப்பிட்டார். புனரமைப்பு மற்றும் பாதுகாப்பு பணிகளை தொல்லியல் திணைக்களமே மேற்கொள்ளவுள்ளதாகவும், அதற்குத் தேவையான நிதியை பொதுமக்கள் மற்றும் சமூக அமைப்புகள் இணைந்து வழங்க வேண்டியுள்ளதாகவும் தெரிவித்தார்.
மேலும் தொல்லியல் திணைக்களம் நெதர்லாந்து நாட்டு நிபுணர்களின் ஒத்துழைப்புடன் நல்லூர் மந்திரிமனை அமைந்திருந்த பகுதியை ஸ்கேன் செய்து ஆய்வு நடவடிக்கைகளை ஆரம்பித்துள்ளதாகவும் அவர் கூறினார். மந்திரிமனையை எவ்வாறு புனரமைக்க வேண்டும் என்பது தொடர்பாக பொதுமக்கள் தங்களது கருத்துக்களையும் ஆலோசனைகளையும் முன்வைக்க முடியும் எனத் தெரிவித்த அவர் இந்த முயற்சிக்கு எந்தவித அரசியல் பின்னணியும் இல்லை என்றும் அந்தப் பகுதியைச் சேர்ந்த ஒருவராகவும் முன்னாள் மாநகர சபை ஆணையாளராகவும் தற்போதைய மாகாண சபை அவைத் தலைவராகவும் தனது பொறுப்புணர்வின் அடிப்படையிலேயே இந்த விடயத்தை முன்னெடுத்து வருவதாகவும் வலியுறுத்தினார்.
