மழை மற்றும் மண்சரிவு அபாயம் காரணமாக பாதுகாப்பற்ற பகுதிகளில் வாழும் மக்களை விரைவாக பாதுகாப்பான இடங்களுக்கு மாற்றும் பணிகளை துரிதப்படுத்துமாறு ஜனாதிபதி அதிகாரிகளுக்கு பணிப்புரை வழங்கினார். மேலும் மீள்குடியேற்றப் பணிகளில் காணப்படும் நிர்வாக தாமதங்களை தவிர்த்து மக்கள் விரைவாக இயல்பு வாழ்க்கைக்கு திரும்பக்கூடிய வகையில் அனைத்து துறைகளும் ஒருங்கிணைந்து செயல்பட வேண்டும் என்றும் அவர் வலியுறுத்தினார்.
பாதிக்கப்பட்ட மக்களுக்கு தேவையான குடிநீர், மின்சாரம், சாலை மற்றும் கல்வி வசதிகள் உள்ளிட்ட அடிப்படை சேவைகள் உடனடியாக வழங்கப்பட வேண்டும் எனவும் ஜனாதிபதி தெரிவித்தார். இந்தக் கூட்டத்தில் அமைச்சர்கள், அரச அதிகாரிகள், பாதுகாப்பு தரப்பினர் மற்றும் உள்ளூராட்சி பிரதிநிதிகள் பலரும் கலந்து கொண்டனர்.
