முதல்வரிடம் மனு அளிக்க முயன்றதாக வேட்பாளர் விளக்கம்
நலத்திட்டங்கள் வழங்கும் விழாவில் பங்கேற்க முதல்வர் விஜய் புதுக்கோட்டை சென்றிருந்தார். காவல்துறை வழங்கிய விஐபி அனுமதிச்சீட்டுடன், நிகழ்ச்சி தொடங்குவதற்கு முன்பாக காலை 9.45 மணிக்கே மாவட்ட ஆட்சியர் அலுவலகத்துக்கு சென்றதாக சரீப் கூறினார்.
அங்கிருந்த வருவாய்த்துறை மற்றும் காவல்துறை அதிகாரிகள், பயனாளிகள், சட்டமன்ற உறுப்பினர்கள், நாடாளுமன்ற உறுப்பினர்கள் ஆகியோருக்கே அனுமதி எனத் தெரிவித்ததாக அவர் கூறினார். புதுக்கோட்டையில் சுமார் ரூ.10 கோடி மதிப்பிலான புறம்போக்கு நிலங்கள் தனியாருக்கு முறைகேடாக பட்டா வழங்கப்பட்டதாகவும், இதுகுறித்து தீவிர விசாரணை நடத்தக் கோரி முதல்வரிடம் மனு அளிக்கத் திட்டமிட்டதாகவும் தெரிவித்தார்.
தன்னையும் சிலரையும் விழா அரங்கம் அருகிலுள்ள அறைக்கு அழைத்துச் சென்று, மாவட்ட ஆட்சியரிடம் பேசிய பிறகு அழைத்துச் செல்வதாக அதிகாரிகள் கூறியதாக சரீப் தெரிவித்தார். ஆனால், அந்த அறையிலேயே தங்களை பூட்டி வைத்ததாகவும், முதல்வர் புறப்பட்ட பின்னரே கதவு திறக்கப்பட்டதாகவும் அவர் கூறினார்.
Pudukkottai land scam petition தொடர்பாக பொதுப் பிரச்னையை முன்வைக்கவே முதல்வரை சந்திக்க முயன்றதாகவும், வரும் நாட்களில் மீண்டும் மனுவை அளிக்க முயற்சிப்பதாகவும் சரீப் தெரிவித்துள்ளார்.
