Inoui, Intercités மற்றும் Ouigo உள்ளிட்ட TGV சேவைகள் சிறிய அளவில் பாதிக்கப்படும். ஆனால் பெரும்பாலான பிராந்திய மற்றும் இல்-து-பிரான்ஸ் பகுதிகளுக்கான ரயில் சேவைகளில் இடையூறு ஏற்படும் என SNCF கூறியுள்ளது.
பிராந்திய ரயில் சேவைகளில் அதிக பாதிப்பு
பிரிட்டானி, ஆவர்ன்-ரோன்-ஆல்ப்ஸ் மற்றும் ஓ-து-பிரான்ஸ் பகுதிகளில் TER சேவைகள் கடுமையாக பாதிக்கப்படும். பர்கோன்-பிராஞ்ச்-கொந்தே, சென்த்ர்-வால் து லுவார், நார்மண்டி, நுவெல்-அகித்தேன், பே த லா லுவார் மற்றும் கிராங்-எஸ்ட் பகுதிகளிலும் சேவை பாதிப்பு இருக்கும். புரோவாங்ஸ்-ஆல்ப்-கோத் த’அசூர் பகுதியில் குறிப்பிட்ட வழித்தடங்களில் கடுமையான பாதிப்பு எதிர்பார்க்கப்படுகிறது.
RER A வழித்தடத்தில் சேவை வழக்கம்போல் இயங்கும். RER B வடக்குப் பகுதியில் இரண்டு ரயில்களில் ஒன்று, தெற்குப் பகுதியில் மூன்றில் இரண்டு ரயில்கள் இயக்கப்படும். RER C-யில் இரண்டு ரயில்களில் ஒன்று, RER D-யில் மூன்றில் ஒன்று, RER E-யில் மூன்றில் இரண்டு ரயில்கள் இயக்கப்படும்.
போராட்டப் பின்னணியில், SNCF ஊழியர்களுக்காக 400 யூரோ மதிப்புள்ள ஊதியப் பகிர்வு போனஸ், இரவு நேரம், ஞாயிறு மற்றும் விடுமுறைப் பணிக்கான கொடுப்பனவுகளில் 2% உயர்வு, தனியார் வாகனப் பயன்பாட்டுக்கான கிலோமீட்டர் கொடுப்பனவில் 5% உயர்வு ஆகியவற்றையும் நிறுவனம் அறிவித்துள்ளது. SNCF train traffic November 5 குறித்த பயணிகள், புறப்படும் முன் தங்கள் வழித்தட நிலவரத்தைச் சரிபார்க்க வேண்டிய நிலை உள்ளது.
