இதனுடன் குறித்த வழக்குகளுக்காக 18 இலட்சம் ரூபாய் அபராதமும் விதிக்கப்பட்டுள்ளது. 2006 ஆம் ஆண்டு அபிவிருத்தி லொத்தர் சபையின் தலைவராகப் பணியாற்றிய காலத்தில் நிறுவனத்திற்காக மூன்று வாகனங்களை வாடகை அடிப்படையில் பெற்றுக்கொண்டபோது அவற்றின் உரிமையாளர்களுக்கு சாதகமாக செயல்பட்டு அரசாங்கத்திற்கு நட்டத்தை ஏற்படுத்தியதாக இலஞ்ச ஒழிப்பு ஆணைக்குழு தாக்கல் செய்த நான்கு வழக்குகளின் அடிப்படையிலேயே இந்தத் தீர்ப்பு வழங்கப்பட்டுள்ளது.
வழக்கு விசாரணைகளின் போது அனைத்து குற்றச்சாட்டுகளிலும் குற்றம் நிரூபிக்கப்பட்டதாக நீதிமன்றம் தெரிவித்ததுடன் அரச நிறுவனங்களில் இடம்பெறும் ஊழல் நடவடிக்கைகள் நாட்டின் பொருளாதாரத்தையும் மக்கள் வைத்துள்ள நம்பிக்கையையும் பாதிப்பதாக நீதிபதி சுட்டிக்காட்டினார். குற்றவியல் நடைமுறைச் சட்டக்கோவையின் 303ஆவது பிரிவின் கீழ் தண்டனையில் தளர்வு வழங்குமாறு பாதுகாப்பு தரப்பு கோரியிருந்த போதிலும் குற்றத்தின் தன்மை மற்றும் அதன் தாக்கத்தை கருத்தில் கொண்டு கடுமையான தண்டனை வழங்கப்பட வேண்டியது அவசியம் என நீதிமன்றம் வலியுறுத்தியுள்ளது.
