Europe Travel, ஐரோப்பா விமான சேவை

ஐரோப்பாவில் இந்த கோடை காலத்தில் விமான டிக்கெட் விலைகள் அதிகரிக்கும் அபாயம் இருப்பதாக விமானத் துறை நிபுணர்கள் எச்சரித்துள்ளனர். குறிப்பாக மத்திய கிழக்கு பதற்றம் மற்றும் Jet Fuel (விமான எரிபொருள்) விநியோக சிக்கல்களால் விமான நிறுவனங்களின் செலவுகள் அதிகரித்துள்ளன. இதனால் கோடை விடுமுறை பயணங்களுக்கான Europe Travel கட்டணங்கள் உயர வாய்ப்பு உள்ளது.

சர்வதேச விமான போக்குவரத்து சங்கமான IATA வின் தலைவர் Willie Walsh எரிபொருள் விலை உயர்வின் தாக்கம் விமான டிக்கெட் விலைகளில் பிரதிபலிப்பது தவிர்க்க முடியாதது என்று தெரிவித்துள்ளார். குறிப்பாக ஜூலை மற்றும் ஆகஸ்ட் மாதங்களில் விமானப் பயண தேவை அதிகரிப்பதால் Jet Fuel தேவையும் சுமார் 25% வரை உயரும் என கூறப்படுகிறது.

ஐரோப்பா பெரும்பாலும் மத்திய கிழக்கிலிருந்து வரும் விமான எரிபொருளை நம்பி இருப்பதால் Hormuz கடல்சந்தி தொடர்பான பதற்றம் தொடர்ந்தால் விநியோக சிக்கல்கள் மேலும் மோசமடையலாம் என நிபுணர்கள் எச்சரிக்கின்றனர். சில விமான நிறுவனங்கள் முன்கூட்டியே fuel hedge செய்திருந்தாலும் பல நிறுவனங்கள் கூடுதல் செலவுகளை பயணிகளிடம் கட்டண உயர்வாக மாற்றும் நிலை ஏற்பட்டுள்ளதாக தெரிவிக்கப்படுகிறது.

இதேவேளை Ryanair மற்றும் easyJet போன்ற சில குறைந்த கட்டண விமான நிறுவனங்கள் உடனடி ரத்து அபாயம் இல்லை என்று கூறினாலும் எதிர்காலத்தில் கட்டண உயர்வு ஏற்படலாம் என சுட்டிக்காட்டியுள்ளன.