பட்டாசு வெடித்ததை வீடியோ எடுத்ததால் தாக்குதல்
தீபாவளி நாளில் பணியை முடித்த செந்தில்குமார், இரவு 10.30 மணியளவில் சமதர்மபுரத்தில் உள்ள தனது வீட்டுக்குச் சென்றார். அப்போது, சமதர்மபுரம் மெயின் பஜாரில் சில இளைஞர்கள் மது போதையில் நடுரோட்டில் அதிக சத்தம் எழுப்பும் பட்டாசுகளை வெடித்து, அவற்றை ரீல்ஸ் வீடியோக்களாக பதிவு செய்துகொண்டிருந்தனர்.
இதனால் அப்பகுதி மக்கள் செந்தில்குமாரிடம் முறையிட்டனர். அவர், பட்டாசு வெடிப்பதை நிறுத்திவிட்டு வீட்டுக்குச் செல்லுமாறு இளைஞர்களிடம் கூறியுள்ளார். ஆனால், அவர்கள் தொடர்ந்து பட்டாசுகளை வெடித்து வீடியோ எடுத்ததாக கூறப்படுகிறது. இதனை செந்தில்குமார் தனது செல்போனில் பதிவு செய்ததால் ஆத்திரமடைந்த இளைஞர்கள் அவரைச் சூழ்ந்து சரமாரியாக தாக்கினர்.
தாக்குதலில் நிலைகுலைந்து கீழே விழுந்த செந்தில்குமாரை அக்கம்பக்கத்தினர் மீட்டு தேனி அரசு மருத்துவக் கல்லூரி மருத்துவமனைக்கு அழைத்துச் சென்றனர். எனினும், மருத்துவமனைக்குச் செல்லும் வழியிலேயே அவர் உயிரிழந்தார். Theni police officer death தொடர்பாக கெளதம், மகேஷ்வரன், பிரனோஸ் ஆகிய மூவரை தேனி மாவட்ட காவல்துறை கைது செய்துள்ளது. மேலும், சம்பவத்தில் ஈடுபட்டதாகக் கூறப்படும் ஆறு பேரிடம் விசாரணை நடைபெற்று வருகிறது. கைது செய்யப்பட்டவர்களும் விசாரணையில் உள்ளவர்களும் 25 வயதுக்குட்பட்டவர்கள் என தெரிவிக்கப்பட்டுள்ளது.
