இந்த முறை முதன்முறையாக 48 அணிகள் உலகக் கிண்ணத்தில் பங்கேற்கின்றன. இதன் மூலம் அதிக நாடுகளுக்கு உலகின் மிகப் பெரிய கால்பந்து மேடையில் தங்களது திறமையை வெளிப்படுத்தும் வாய்ப்பு கிடைத்துள்ளது.
குறிப்பாக ஜோர்டான் (Jordan), உஸ்பெகிஸ்தான் (Uzbekistan), குரசாவோ (Curaçao) மற்றும் கேப் வெர்டே (Cape Verde) போன்ற நாடுகள் முதல் முறையாக உலகக் கிண்ணத்திற்கு தகுதி பெற்று புதிய வரலாறு படைத்துள்ளன.
நடப்பு சாம்பியனான அர்ஜென்டினா (Argentina), முன்னாள் சாம்பியன்களான பிரேசில் (Brazil), பிரான்ஸ் (France), ஸ்பெயின் (Spain), இங்கிலாந்து (England) மற்றும் போர்ச்சுகல் (Portugal) ஆகிய அணிகள் கிண்ணத்தை வெல்லும் முக்கிய அணிகளாக கருதப்படுகின்றன.
அதேவேளை லியோனல் மெஸ்ஸி (Lionel Messi) மற்றும் கிறிஸ்டியானோ ரொனால்டோ (Cristiano Ronaldo) போன்ற உலகப் புகழ்பெற்ற நட்சத்திர வீரர்களின் கடைசி உலகக் கிண்ணமாக இது அமையக்கூடும் என்ற எதிர்பார்ப்பும் ரசிகர்கள் மத்தியில் அதிக கவனத்தை ஈர்த்துள்ளது.
48 அணிகள், 3 நாடுகள் மற்றும் கோடிக்கணக்கான ரசிகர்களின் ஆதரவுடன் நடைபெறும் 2026 உலகக் கிண்ணம் கால்பந்து வரலாற்றில் மறக்க முடியாத தொடராக அமையும் என எதிர்பார்க்கப்படுகிறது.
