கிரீஸின் தேசிய சூப்பர் கம்ப்யூட்டரான ‘டெய்டலோஸ்’, அந்த நாட்டின் ஆய்வு மையங்கள், சிறு மற்றும் நடுத்தர நிறுவனங்கள், மருத்துவத் துறை மற்றும் அரசுத் துறைகள் தரவுகளை உள்நாட்டிலேயே செயலாக்க உதவும் என அவர் விளக்கினார். வெளிநாடுகளுக்கு தரவை அனுப்பாமல் வேகமாகவும் குறைந்த செலவிலும் பணிகளை மேற்கொள்ள முடியும். இந்தக் கணினி, ஒரு செயற்கை நுண்ணறிவு மாதிரி உருவாக்கப்பட்டதாகக் கூறப்படும் அமைப்பைவிட 85 மடங்கு வேகமானது என்றும், உலக தரவரிசையில் 31வது இடத்தில் இருப்பதாகவும் தெரிவிக்கப்பட்டது.
AI Content Detection மற்றும் சமூக ஊடகப் பாதுகாப்பு
செயற்கை நுண்ணறிவால் உருவாக்கப்படும் உள்ளடக்கங்களுக்கு அடையாளக் குறிப்பு வழங்கும் சட்டங்கள் ஏற்கனவே உள்ளன. சமூக ஊடகங்களில் பரவும் வீடியோக்களை சரிபார்க்காமல் நம்பக் கூடாது என்பதே முக்கிய அறிவுரை. எலான் மஸ்க் அறிமுகப்படுத்திய பறந்து இறங்கும் கார், செயற்கை நுண்ணறிவு தயாரிப்பு அல்ல; பாதுகாப்பான சூழலில் காட்டப்பட்ட சாத்தியக்கூறு மாதிரி மட்டுமே எனவும் குரேமேனோஸ் குறிப்பிட்டார்.
சிறார்களின் சமூக ஊடகப் பயன்பாடு குறித்தும் அவர் பேசினார். தளங்கள் பொதுவாக 13 வயதை குறைந்தபட்ச வயதாகக் குறிப்பிடுகின்றன. ஆஸ்திரேலியா சிறார்களை சமூக ஊடகங்களில் இருந்து விலக்கும் சோதனையைத் தொடங்கியுள்ள நிலையில், கிரீஸில் 15 வயதுக்குக் குறைவானவர்களின் பயன்பாட்டைத் தடுக்க சட்டம் நிறைவேற்றப்பட்டுள்ளது. ஆனால் தடையைவிட பெற்றோர்களுக்கும் குழந்தைகளுக்கும் சரியான டிஜிட்டல் கல்வி வழங்குவதே முக்கியம் என அவர் வலியுறுத்தினார்.
