கூட்டையே குறிவைக்கும் ‘ட்ரோஜன் குதிரை’ முறை
ஆசியக் கொம்பு வண்டுகள் உயிரியல் பன்மைத்தன்மைக்கும், குறிப்பாக தேனீக்களுக்கும் அதிகரித்து வரும் அச்சுறுத்தலாக உள்ளன. வழக்கமான பொறிகள் சில வண்டுகளை மட்டுமே பிடிப்பதால், ராணி தொடர்ந்து முட்டையிட்டு கூட்டை வளர்க்க முடியும். ரசாயன பூச்சிக்கொல்லிகள் பயனுள்ள பிற பூச்சிகளுக்கும் பாதிப்பை ஏற்படுத்தலாம்.
VUB மாணவர்கள் உருவாக்கிய Asian hornet control system-இல், செயற்கை நுண்ணறிவு கொண்ட கேமரா ஆசியக் கொம்பு வண்டுகளை 99 சதவீதத்துக்கும் அதிகமான துல்லியத்துடன் அடையாளம் காணும். இதனால் தேனீக்கள் உள்ளிட்ட பிற பூச்சிகள் பாதுகாக்கப்படுகின்றன.
வண்டு பொறியில் சிக்கியதும், அதன் கடினமான வெளிப்புற உடலில் ஒட்டும் வகையிலான சிறிய உயிரியல் ஸ்டிக்கர் பொருத்தப்படுகிறது. புரத நானோநார்களால் தயாரிக்கப்படும் அந்த ஸ்டிக்கரில், இயற்கை மண் பூஞ்சையான Beauveria bassiana-வின் விதைத்துகள்கள் உள்ளன. வண்டு கூட்டுக்குத் திரும்பியதும், பூஞ்சை அங்கு பரவி முழுக் கூட்டையும் அழிக்க உதவும்.
இந்த முறையை எதிர்காலத்தில் ஆசியக் கொம்பு வண்டுகள் மட்டுமின்றி, பிற ஊடுருவும் பூச்சி இனங்களுக்கும் பயன்படுத்த முடியும் என மாணவர்கள் தெரிவித்துள்ளனர்.
