வயலுக்குள் கவிழ்ந்த பேருந்து – 19 பேர் காயம்

கஹதுடுவ – தியகம வீதியில் ஆடைத்தொழிற்சாலை பணியாளர்களை ஏற்றிச் சென்ற பேருந்தொன்று வீதியை விட்டு விலகி வயல்வெளிக்குள் கவிழ்ந்து விபத்துக்குள்ளானதில் 19 பேர் காயமடைந்துள்ளனர். இந்த விபத்து எதிரே வந்த மற்றொரு வாகனத்திற்கு இடமளிக்க முயன்றபோது ஏற்பட்டதாக பொலிஸார் தெரிவித்துள்ளனர். காயமடைந்தவர்களில் 17 பேர் ஹோமாகம வைத்தியசாலையில் அனுமதிக்கப்பட்டுள்ளதுடன் மற்றவர்கள் களுபோவில போதனா வைத்தியசாலை மற்றும் வேதர வைத்தியசாலைகளுக்கு மாற்றப்பட்டுள்ளனர். இருப்பினும் காயமடைந்த எவரினதும் நிலைமை கவலைக்கிடமாக இல்லை என பொலிஸ் தலைமையகம் அறிவித்துள்ளது. சம்பவம் தொடர்பில் மேலதிக விசாரணைகள் முன்னெடுக்கப்பட்டு வருகின்றன.