ஐக்கிய நாடுகள் சபையின் தலைமையகத்தில் United Nations நடைபெற்ற International Migration Review Forum (IMRF) 2026 மாநாட்டில் கனடாவின் குடியேற்ற அமைச்சர் Lena Metlege Diab தலைமையிலான பிரதிநிதிகள் குழு கலந்து கொண்டது.
இந்த மாநாட்டில் உலக நாடுகள் குடியேற்ற மேலாண்மை பாதுகாப்பான குடியேற்ற பாதைகள் மற்றும் குடியேறுவோரின் சமூக ஒருங்கிணைப்பு குறித்து ஆலோசித்தன.
கனடா அரசு தென்கிழக்கு ஆசியா லத்தீன் அமெரிக்கா மற்றும் கரீபியன் பகுதிகளில் செயல்படும் 8 சர்வதேச திட்டங்களுக்கு சுமார் 7 மில்லியன் கனடிய டாலர் நிதி வழங்குவதாக அறிவித்துள்ளது.
இந்த திட்டங்கள் பாதுகாப்பான குடியேற்ற முறைகள் சட்டபூர்வமான குடியேற்ற வாய்ப்புகள் மற்றும் புதிய குடியேறிகளின் சமூக இணைப்பை மேம்படுத்தும் நோக்கத்துடன் செயல்படும் என தெரிவிக்கப்பட்டுள்ளது.
மேலும் செயற்கை நுண்ணறிவு (AI) பயன்படுத்தி குடியேற்ற மேலாண்மையை மேம்படுத்துவது தவறான குடியேற்ற தகவல்களை எதிர்கொள்வது தொழிலாளர் நகர்வை ஆதரிக்கும் புதிய முயற்சிகள் மற்றும் உலகளாவிய ஒத்துழைப்பை வலுப்படுத்துவது உள்ளிட்ட ஐந்து முக்கிய உறுதிமொழிகளையும் கனடா அறிவித்துள்ளது. இந்த நடவடிக்கைகள் கனடாவின் பொருளாதார வளர்ச்சிக்கும் சமூக நிலைத்தன்மைக்கும் உதவும் என்று அதிகாரிகள் தெரிவித்துள்ளனர்.
