கோவை மாவட்டம் அன்னூர் காவல் நிலையத்தில் பதிவான வழிப்பறி வழக்கு தொடர்பாக ராகவனை காவல்துறையினர் கைது செய்திருந்தனர். நீதிமன்றத்தில் ஆஜர்படுத்தப்பட்ட அவரை, கடந்த 31ஆம் தேதி சிறையில் அடைப்பதற்காக கோவை மத்திய சிறை வளாகத்துக்கு அழைத்து வந்தனர். அப்போது பாதுகாப்புப் பணியில் இருந்த காவலர்களைத் தள்ளிவிட்டு அவர் தப்பிச் சென்றார்.
ஆறு தனிப்படைகள் அமைத்து தேடுதல்
இதுகுறித்த புகாரின் பேரில் பந்தயசாலை காவல்துறையினர் வழக்குப்பதிவு செய்து தேடுதல் நடவடிக்கையை மேற்கொண்டனர். ராகவனை கண்டுபிடிக்க ஆறு தனிப்படைகள் அமைக்கப்பட்டன. ட்ரோன் கண்காணிப்பு, சிசிடிவி காட்சிகள் ஆய்வு மற்றும் வாகனச் சோதனைகள் மூலம் பல்வேறு இடங்களில் தேடுதல் நடைபெற்றது.
இதனிடையே, பணியின்போது கவனக்குறைவாக இருந்ததாகக் கூறி அன்னூர் காவல் நிலைய உதவி ஆய்வாளர் அப்துல் முத்தலிப், தலைமை காவலர் ரஞ்சித் மற்றும் ஆயுதப்படையைச் சேர்ந்த இரு காவலர்கள் பணியிடை நீக்கம் செய்யப்பட்டனர். Coimbatore Prison Escape தொடர்பான விசாரணை தொடர்ந்து நடைபெற்று வருகிறது.
தேனி மாவட்டம் தேக்கம்பட்டி சிறையில் இருந்து 17 கைதிகள் தப்பிய சம்பவத்தின் பின்னணியில், கோவை சிறை வளாகத்தில் இருந்து ராகவன் தப்பிய சம்பவமும் கவனம் பெற்றிருந்தது.
