பிரான்சில் அரசு பணியில் உள்ள கர்ப்பிணிப் பெண்களுக்கு வழங்கப்படும் கர்ப்ப கால நோயியல் (Congé pathologique) மருத்துவ விடுப்பு காலம் 2026 மார்ச் 1 முதல் அதிகரிக்கப்பட உள்ளது.

இதுவரை 14 நாட்களாக இருந்த கர்ப்பத்திற்கு முன் வழங்கப்படும் மருத்துவ விடுப்பு, இனி 21 நாட்களாக (3 வாரங்கள்) உயர்த்தப்பட்டுள்ளது. இந்த விடுப்பு, கர்ப்ப காலத்தில் உடல்நலப் பிரச்சினைகள் அல்லது மருத்துவ சிக்கல்கள் உள்ள பெண்களுக்கு, சாதாரண மகப்பேறு விடுப்புக்கு (Congé maternité) மேலாக வழங்கப்படும் சிறப்பு விடுப்பாகும்.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

இந்த புதிய விதிமுறையின் படி, இந்த 21 நாட்கள் விடுப்பை ஒரே தடவையில் அல்லது தேவைக்கேற்ப பகுதியாகப் பிரித்து பயன்படுத்தலாம். மேலும், இந்த காலத்தில் அரசு பணியாளர்களுக்கு முழு சம்பளமும் வழக்கம்போல வழங்கப்படும். ஆனால், பிறந்த பிறகு வழங்கப்படும் 4 வார மருத்துவ விடுப்பில் எந்த மாற்றமும் இல்லை என்று தெரிவிக்கப்பட்டுள்ளது.

இந்த மாற்றம், கர்ப்பிணி அரசு ஊழியர்களின் உடல்நல பாதுகாப்பை மேம்படுத்தவும், அவர்களுக்கு கூடுதல் ஓய்வு மற்றும் பாதுகாப்பை வழங்கவும் பிரான்ஸ் அரசு எடுத்த முக்கியமான நடவடிக்கையாகும்.