கடந்த வாரம் மும்பை ஜுகு பகுதியில் டைகர் ஷெராப் மீது மூன்று பேர் கொண்ட கும்பல் துப்பாக்கிச்சூடு நடத்தியது. அவர் காருக்கு அருகில் நின்றபோது துப்பாக்கி செயலிழந்ததால் உயிர் தப்பினார். இந்த வழக்கில் துப்பாக்கிச்சூட்டில் ஈடுபட்ட மூவர் உட்பட 11 பேர் கைது செய்யப்பட்டுள்ளனர்.
ஆமீர் கானை கண்காணித்ததாக வாக்குமூலம்
கைதானவர்கள் மும்பையில் ஒரு மாதம் தங்கி, ஆமீர் கான் வசிக்கும் பகுதியில் குறைந்தது மூன்று முறை கண்காணிப்பு நடத்தியதாக விசாரணையில் தெரிவித்துள்ளனர். அவர் அடிக்கடி படப்பிடிப்புக்காக வெளியே சென்றிருந்ததாலும், சில நாட்கள் வீட்டுக்குள்ளேயே தங்கியிருந்ததாலும் அவரை அணுகுவது கடினமாக இருந்ததாக கூறப்படுகிறது.
இதையடுத்து, டைகர் ஷெராப் ஒவ்வொரு ஞாயிற்றுக்கிழமையும் ஜுகுவில் உள்ள கால்பந்து மைதானத்திற்கு வருவதை கண்டறிந்து அவரை இலக்காகத் தேர்ந்தெடுத்ததாக போலீஸாரிடம் கூறியுள்ளனர். ஆமீர் கானுக்கு லாரன்ஸ் பிஷ்னோய் கொலை மிரட்டல் விடுத்திருந்ததன் தொடர்ச்சியாக இந்த உத்தரவு வந்ததாகவும் அவர்கள் தெரிவித்துள்ளனர்.
Tiger Shroff shooting case விசாரணையில், துப்பாக்கிச்சூட்டுக்குப் பிறகு குற்றவாளிகள் குறியாக்கப்பட்ட இணைய அழைப்பு செயலிகள் மூலம் உத்தரவிட்டவர்களுடன் தொடர்பில் இருந்தது டிஜிட்டல் ஆதாரங்களில் தெரியவந்ததாக கூறப்படுகிறது. சூரத்தில் பேருந்து தாமதமானதால் திட்டத்தை மாற்றி ரயிலில் சென்ற அவர்கள், ராஜஸ்தானில் பிடிபட்டனர். பயன்படுத்தப்பட்ட துப்பாக்கி சூரத்தில் பறிமுதல் செய்யப்பட்டு பரிசோதனைக்கு அனுப்பப்பட்டுள்ளது.
