வீட்டு வாடகை உதவித் தொகை (Aide au logement) பெற்றுக்கொண்டிருக்கும் வாடகையாளரிடம் வாடகை நிலுவை ஏற்பட்டால், அந்த தகவலை வீட்டின் உரிமையாளர் 2 மாதங்களுக்குள் சம்பந்தப்பட்ட அதிகாரிகளுக்கு அறிவிக்க வேண்டும் என அதிகாரிகள் நினைவூட்டியுள்ளனர்.

பிரான்சில் வாடகையாளர்கள் CAF (Caisse d’Allocations Familiales) அல்லது MSA (Mutualité Sociale Agricole) மூலம் வீட்டு உதவித் தொகை பெறுகின்றனர். இந்த உதவித் தொகை பெறும் நிலையில் வாடகையாளர் வாடகை கட்டணம் செலுத்தாமல் நிலுவை உருவானால் வீட்டு உரிமையாளர் அதை 2 மாதங்களுக்குள் CAF அல்லது MSA அமைப்புகளுக்கு அறிவிப்பது சட்டப்படி கட்டாயம் ஆகும்.

இந்த காலவரையறைக்குள் தகவல் அளிக்கவில்லை என்றால் உரிமையாளர்களுக்கு அபராதம் விதிக்கப்படும் என்று அதிகாரிகள் தெரிவித்துள்ளனர். இந்த நடைமுறையின் முக்கிய நோக்கம் வாடகையாளர் மற்றும் வீட்டு உரிமையாளர் இடையே ஏற்பட்டுள்ள கடனைத் தீர்க்க “Plan d’apurement” (கடன் திருப்பிச் செலுத்தும் திட்டம்) விரைவாக உருவாக்க உதவுவதாகும். இதன் மூலம் வாடகையாளர் நிலுவை தொகையை தவணைகளில் செலுத்தும் வாய்ப்பு கிடைக்கும்.

மேலும் இந்த அறிவிப்பு CAF அல்லது MSA அமைப்புகளுக்கு விரைவாக சென்றால் அவர்கள் வாடகையாளருக்கு தேவையான சமூக மற்றும் நிதி உதவிகளை வழங்குவதற்கும் வசதி ஏற்படும். அதனால் வீட்டு உதவித் தொகை பெறும் வாடகையாளர்களிடம் வாடகை நிலுவை ஏற்பட்டால் 2 மாதங்களுக்குள் CAF அல்லது MSA-க்கு அறிவிப்பது உரிமையாளர்களுக்கு மிகவும் முக்கியமான கடமையாகும் என அதிகாரிகள் வலியுறுத்தியுள்ளனர்.