தற்போது CROUS (Centre régional des œuvres universitaires et scolaires – பல்கலைக்கழகம் மற்றும் பள்ளி சேவைகளுக்கான பிராந்திய மையங்கள்) நிர்வகிக்கும் பல்கலைக்கழக உணவகங்களில் உதவித்தொகை பெறும் மாணவர்கள் மற்றும் நிதி நெருக்கடியை அனுபவிக்கும் மாணவர்கள் ஒரு உணவை €1 க்கு வாங்குகிறார்கள்.
ஆனால் உதவித்தொகை பெறாத மற்ற மாணவர்கள் அதே உணவை €3.30 ஆக செலுத்த வேண்டியுள்ளது. இந்த புதிய திட்டம் அந்த விலைவித்தியாசத்தை அகற்றும் வகையில் அனைத்து மாணவர்களுக்கும் ஒரு உணவின் விலையை €1 க்கு பொதுமைப்படுத்தும்.
இந்த திட்டத்தை படிப்படியாக செயல்படுத்தும் பணிகள் மே மாதத்தில் தொடங்கும் என திட்டமிடப்பட்டுள்ளது. முதலில் குறைந்த வருகை கொண்ட இடங்களில் சோதனை நடைபெறும் பின்னர் 2026 செப்டம்பர் மாதம் பள்ளி ஆண்டு தொடக்கத்துடன் முழுமையாக செயல்படுத்தப்படும்.
எல்லா மாணவர்களுக்கும் €1 உணவுக்கான அணுகல் விவரங்கள் விரைவில் CROUS மூலம் வெளியிடப்படும். இந்த நடவடிக்கை மாணவர்களின் பொருளாதார சிரமத்தை குறைத்து கல்வி வாழ்வில் சம வாய்ப்புகளை வழங்கும் முக்கியமான முயற்சி எனக் கூறப்படுகிறது.
