பாஸ்போர்ட் இழந்தவர்கள் பாஸ்போர்ட் திருடப்பட்டவர்கள் பாஸ்போர்ட் காலாவதியானவர்கள் சவுதி அதிகாரிகளால் நாடு கடத்தப்பட உள்ள இலங்கையர்கள் மற்றும் செல்லுபடியாகும் பயண ஆவணம் இல்லாமல் இலங்கைக்கு திரும்ப விரும்புபவர்கள் ஆகியோருக்கு இந்த ஆவணம் வழங்கப்படலாம்.
குறிப்பாக சவுதியில் வீட்டை விட்டு வெளியேறிய (Runaway/Huroob) பணிப்பெண்கள் மற்றும் பிற தொழிலாளர்கள் தேவையான ஆவணங்களை சமர்ப்பித்து இலங்கை தூதரகம் அல்லது துணைத் தூதரகத்தின் மூலம் இந்த அவசர பயண ஆவணத்தைப் பெற்று சட்டபூர்வமாக இலங்கைக்கு திரும்ப முடியும்.
தேவையான ஆவணங்கள்
- பூர்த்தி செய்யப்பட்ட Emergency Form K35
- ஏன் அவசர பயண ஆவணம் தேவை என்பதை விளக்கும் கோரிக்கை கடிதம்
- அருகிலுள்ள காவல் நிலையம் அல்லது Jawazat-இல் கொடுக்கப்பட்ட புகார் நகல் (பாஸ்போர்ட் தொலைந்திருந்தால்)
- பிறப்புச் சான்றிதழ் (இருந்தால்)
- பழைய பாஸ்போர்ட் நகல் (இருந்தால்)
- 4 வண்ண புகைப்படங்கள் (வெள்ளை பின்னணி)
மற்றும் குடிவரவு அனுமதிக்காக தேவையான தகவல்கள்
(சவுதி அரேபியாவில் உள்ள இலங்கைத் தூதரகம் அல்லது துணைத் தூதரகம், அவசர பயண ஆவணம் (Emergency Travel Document) வழங்குவதற்கு முன் விண்ணப்பதாரரின் அடையாளம் மற்றும் குடிவரவு நிலையை உறுதிப்படுத்தக் கோரும் தகவல்களாகும்.
இதில் முழுப் பெயர், பிறந்த தேதி, பிறந்த இடம், தேசிய அடையாள அட்டை இலக்கம் (இருந்தால்), பழைய பாஸ்போர்ட் விபரங்கள், சவுதியில் உள்ள இகாமா (Iqama) இலக்கம் அல்லது அதன் நகல், வேலைதாரரின் விவரங்கள், சவுதிக்கு வந்த தேதி, தற்போதைய முகவரி, தொடர்பு தொலைபேசி இலக்கம் மற்றும் இலங்கையில் உள்ள குடும்ப உறுப்பினர்களின் தொடர்பு விபரங்கள் போன்றவை அடங்கலாம்.)
அவசர பயண ஆவணம் (Emergency Passport / NMRP) பெற விண்ணப்பித்த பிறகு அனைத்து ஆவணங்களும் சரியாக சமர்ப்பிக்கப்பட்டு அடையாள உறுதிப்படுத்தல் நடைமுறைகள் பூர்த்தி செய்யப்பட்டிருந்தால் பொதுவாக 5 வேலை நாட்களுக்குள் ஆவணம் வழங்கப்படலாம்.
எனினும், சில சந்தர்ப்பங்களில் விண்ணப்பதாரரின் அடையாளம், குடியுரிமை அல்லது பிற விவரங்களை உறுதிப்படுத்த இலங்கையின் குடிவரவு மற்றும் குடியகல்வு திணைக்களத்தின் மேலதிக அனுமதி தேவைப்படலாம். அத்தகைய வழக்குகளில் செயல்முறை மேலும் சில நாட்கள் அல்லது வாரங்கள் வரை நீடிக்கக்கூடும்.
கட்டணம்
கட்டணத்தைப் பொறுத்தவரை, முந்தைய பாஸ்போர்ட் கைவசம் இருந்தால் 205 சவுதி ரியால் (SAR 205) செலுத்த வேண்டும். முந்தைய பாஸ்போர்ட் தொலைந்திருந்தால் அல்லது சமர்ப்பிக்க முடியாவிட்டால் 635 சவுதி ரியால் (SAR 635) கட்டணமாக அறவிடப்படும்.
மேலும், புதிய பாஸ்போர்ட்டிற்காக ஏற்கனவே விண்ணப்பித்திருந்தும் அது இன்னும் கிடைக்காத நிலையில் அவசர பயண ஆவணம் கோரப்படின், மேலதிகமாக 95 சவுதி ரியால் (SAR 95) செலுத்த வேண்டியிருக்கும்.
குறிப்பாக நாடு கடத்தப்பட உள்ளவர்கள் அல்லது நெருக்கடியான சூழ்நிலைகளில் உள்ள தொழிலாளர்களுக்கு சில நேரங்களில் கட்டணச் சலுகைகள் வழங்கப்படலாம். எனவே விண்ணப்பிக்கும் முன் Riyadh இலங்கை தூதரகம் அல்லது Jeddah துணைத் தூதரகத்தை நேரடியாக தொடர்புகொண்டு தற்போதைய கட்டண விவரங்களை உறுதிப்படுத்துவது சிறந்ததாகும்.
