நோய்விடுப்பு எடுத்தால் இழந்த ஊதியத்திற்கு மாற்றாக உங்கள் சுகாதார காப்பீட்டு நிறுவனத்திலிருந்து தினசரி நோய் உதவித் தொகை (IJSS) வழங்கப்படுகிறது. இந்த தொகை 3 நாள் காத்திருப்பு காலத்திற்கு பிறகு 4-ஆவது நாளிலிருந்து செலுத்தப்படும். உங்கள் நிறுவனம் நோய்விடுப்பு காலத்திலும் முழு சம்பளத்தை வழங்கும் ஒப்பந்தம் கொண்டிருந்தால் அந்த IJSS தொகை நேரடியாக நிறுவனத்திற்கே வழங்கப்படும்.

வேலை இல்லாதவர்களும் (Unemployed) குறிப்பிட்ட நிபந்தனைகளை பூர்த்தி செய்தால், தங்களின் வேலை இழப்பு உதவித் தொகை குறைவிற்கு ஈடாக IJSS பெறலாம்.

இந்த தினசரி உதவித் தொகை அடிப்படை தினசரி ஊதியத்தின் (SJB) 50% ஆக நிர்ணயிக்கப்படுகிறது. இது வேலை நிறுத்தம் தொடங்குவதற்கு முந்தைய 3 மாதங்களின் மொத்த (Gross) சம்பள சராசரியை 91.25-ஆல் வகுத்து கணக்கிடப்படுகிறது. ஆனால் இந்த கணக்கில் பயன்படுத்தப்படும் சம்பளத்திற்கு குறைந்தபட்ச ஊதியம் (SMIC) அடிப்படையில் ஒரு உச்ச வரம்பு உள்ளது.

2026-ல், கணக்கில் எடுத்துக் கொள்ளப்படும் மொத்த சம்பளம் மாதாந்திர SMIC-ன் 1.4 மடங்கைக் கடந்திருக்கக் கூடாது, அதாவது அதிகபட்சம் €2,552.25 வரை மட்டுமே கணக்கில் கொள்ளப்படும். 2026 ஜனவரியில் தொடங்கும் நோய்விடுப்புகளுக்கு பழைய SMIC மதிப்பு பயன்படுத்தப்படும் பிப்ரவரி 2026 முதல் தொடங்கும் விடுப்புகளுக்கு புதிய SMIC மதிப்பு அமலாகும். குறிப்பிடத்தக்கது என்னவென்றால், 2025 ஏப்ரல் 1 முதல், தினசரி நோய் உதவித் தொகையின் உச்ச வரம்பு SMIC-ன் 1.8 மடங்கிலிருந்து 1.4 மடங்காக குறைக்கப்பட்டுள்ளது (2025 பிப்ரவரி 20 அரசாணை).

2026-ம் ஆண்டில் தினசரி உதவித் தொகையின் அதிகபட்ச வரம்பு நோய்விடுப்பு காலத்தில் €41.95 ஒரு நாளுக்கு ஆகவும், மகப்பேறு மற்றும் தந்தைத்துவ விடுப்புகளுக்கு €104.02 ஒரு நாளுக்கு ஆகவும் நிர்ணயிக்கப்பட்டுள்ளது. வேலை தொடர்பான விபத்து ஏற்பட்டால், ஆண்டு சமூக பாதுகாப்பு வரம்பின் அடிப்படையில் தொகை கணக்கிடப்படும் அதன்படி முதல் 28 நாட்களுக்கு €240.49/நாள் (அடிப்படை தினசரி ஊதியத்தின் 60%), 29-ஆவது நாளிலிருந்து €320.66/நாள் (80%) வழங்கப்படும். சில நிறுவனங்களில் துறைசார் கூட்டு ஒப்பந்தம் அல்லது உள்நாட்டு ஒப்பந்தம் மூலம், 3 நாள் காத்திருப்பு காலத்திலும் முழு சம்பளம் வழங்கப்படலாம்.

அரசுத்துறையில் (Public Sector) பணிபுரிபவர்களுக்கு, நோய்விடுப்பு கால சம்பள விஷயங்கள் தனித்த விதிமுறைகளால் நிர்ணயிக்கப்படுகின்றன.