2026 ஆம் ஆண்டு ஏப்ரல் 1 முதல் பணவீக்கத்தை அடிப்படையாகக் கொண்ட வருடாந்திர சரிசெய்தலின் காரணமாக, பிரான்சில் வழங்கப்படும் பல குடும்ப மற்றும் சமூக நலன்கள் 0.8% அளவிற்கு உயர்த்தப்பட்டுள்ளன.
2026 மார்ச் 20 அன்று வெளியிடப்பட்ட அமைச்சகங்களுக்கு இடையேயான உத்தரவின் படி புகையிலை விலையைத் தவிர்ந்த நுகர்வோர் விலைக் குறியீட்டின் கடந்த 12 மாத மாற்றங்களை கருத்தில் கொண்டு இந்த உயர்வு செய்யப்பட்டதாக தெரிவிக்கப்பட்டுள்ளது.
இந்த புதிய உயர்வு பிரான்சின் பெருநகரப் பகுதிகளுடன் சேர்த்து குவாடலூப், மார்டினிக், ரீயூனியன், பிரெஞ்சு கயானா, செயிண்ட்-பார்த்தெலெமி, செயிண்ட்-மார்ட்டின் மற்றும் மாயோட் போன்ற வெளிநாட்டு பிரதேசங்களிலும் நடைமுறைக்கு வந்துள்ளது.
இந்த சமூகநலக் கொடுப்பனவு உயர்வால் பாதிக்கப்பட்ட முக்கிய சமூக நலன்களில் RSA (வருமான ஆதரவு) செயல்பாட்டு போனஸ், மாற்றுத்திறனாளி வயது வந்தோருக்கான உதவித்தொகை (AAH) குறிப்பிட்ட ஒற்றுமை உதவித்தொகை (ASS) வாழ்க்கையின் இறுதி நிலையில் உள்ள ஒருவருடன் இருப்பதற்கான தினசரி உதவி (AJAP) குடும்ப வன்முறையால் பாதிக்கப்பட்டவர்களுக்கான அவசர உதவி ஆகியவை அடங்கும்.
மேலும், குடும்ப நலன்களை கணக்கிட பயன்படும் மாதாந்திர அடிப்படைத் தொகை (BMAF) €474.37 இலிருந்து €478.16 ஆக உயர்த்தப்பட்டுள்ளது. இதன் மூலம் குடும்ப உதவித்தொகை, குழந்தை பிறப்பு மற்றும் தத்தெடுப்பு போனஸ் உட்பட குழந்தைப்பருவ நலன் (PAJE), குழந்தை பராமரிப்பு ஆதரவு (CMG), பகிரப்பட்ட குழந்தை கல்வி உதவி (PreParE), 3 அல்லது அதற்கு மேற்பட்ட குழந்தைகள் உள்ள குடும்பங்களுக்கான கூடுதல்
உதவி ஒற்றை பெற்றோருக்கான குடும்ப ஆதரவு உதவி (ASF) பள்ளி திறப்பு உதவித்தொகை மாற்றுத்திறனாளி குழந்தைகளுக்கான கல்வி உதவி (AEEH), பெற்றோர் உடனிருப்பு தினசரி உதவி (AJPP), இடமாற்ற உதவி மற்றும் குழந்தை மரணம் ஏற்பட்டால் வழங்கப்படும் ஒருமுறை நிதி உதவி போன்ற பல உதவித் திட்டங்களும் அதிகரிக்கப்பட்டுள்ளன.
மேலும் Complementary Solidarity Health Insurance (C2S) பெற தேவையான வருமான வரம்பும் உயர்த்தப்பட்டுள்ளது. இந்த மாற்றங்கள் உயர்ந்து வரும் வாழ்க்கைச் செலவுகளை சமாளிக்க குடும்பங்களுக்கு சிறியளவு நிதி ஆதரவாக அமையும் என அரசு தெரிவித்துள்ளது.
