Wonder Studios மற்றும் டெவ் வாக்கருடன் உருவான AI தொடர்
Grok Imagine Odyssey episode, Wonder Studios மற்றும் இயக்குநர் டெவ் வாக்கர் உடனான படைப்பூக்க ஒத்துழைப்பில் உருவாக்கப்பட்டதாக அந்தப் பதிவில் தெரிவிக்கப்பட்டுள்ளது. இதன் தயாரிப்பு முறை குறித்து முழுமையான விளக்கம் வெளியிட வேண்டுமா என்பதைப் பயனர்கள் கருத்துகளில் தெரிவிக்கலாம் என்றும் அழைப்பு விடுக்கப்பட்டுள்ளது.
ஜூலை மாதம், ஹோமரின் காப்பியத்தை அடிப்படையாகக் கொண்ட முழுநீளத் திரைப்படத்தை 2026ஆம் ஆண்டின் இறுதிக்குள் Grok Imagine உருவாக்கும் என்று மஸ்க் தெரிவித்திருந்தார். அந்தப் படத்தை ‘வரலாற்று ரீதியாகத் துல்லியமானது’ என்றும், ஹோமரின் கலைக்கு விசுவாசமாக இருக்கும் என்றும் அவர் கூறியிருந்தார். தற்போதைய Grok Imagine Odyssey episode முன்பு அறிவிக்கப்பட்ட திரைப்படமாக மாறுமா என்பதும், தொடரில் எத்தனை அத்தியாயங்கள் இருக்கும் என்பதும் தெளிவாகவில்லை.
கிறிஸ்டோபர் நோலன் இயக்கும் ‘ஒடிஸி’ திரைப்படம் குறித்து மஸ்க் முன்வைத்திருந்த விமர்சனங்களுக்குப் பின்னர் இந்த AI பதிப்பு வெளியாகியுள்ளது. ஹெலன் வேடத்துக்கு லுபிடா நியோங்கோவும், சினோன் வேடத்துக்கு எலியட் பேஜும் தேர்வு செய்யப்பட்டதை அவர் விமர்சித்தார். நோலன் ஆஸ்கர் விருதுகளுக்கான பிரதிநிதித்துவ அளவுகோல்களைப் பின்பற்ற முயன்றதாகவும், கிரேக்கர்களை அவமதித்ததாகவும், ஹோமரின் கல்லறையை இழிவுபடுத்துவதாகவும் மஸ்க் குற்றம்சாட்டியிருந்தார். நோலனை ‘வெள்ளையர்களுக்கு எதிரான இனவெறியாளர்’ என்றும் அவர் குறிப்பிட்டிருந்தார்.
