கவுகாத்தியில் உள்ள அடுக்குமாடிக் குடியிருப்பு ஒன்றில் இருந்து துர்நாற்றம் வீசியதை அடுத்து, அக்கம்பக்கத்தினர் போலீஸாருக்கு தகவல் தெரிவித்தனர். போலீஸார் வீட்டைத் திறந்து சோதனை செய்தபோது, ரியா என்ற பெண் கழுத்து அறுக்கப்பட்ட நிலையில் உயிரிழந்து கிடந்தார். அவரது உடலில் தலை இல்லாததும் தெரியவந்தது.
சரணடைந்த கணவரிடம் தீவிர விசாரணை
வீடு முழுவதும் தேடியபோது, குளிர்சாதனப் பெட்டிக்குள் ரியாவின் தலை இருந்ததாக போலீஸார் தெரிவித்தனர். சில மாதங்களுக்கு முன்புதான் ரியாவுக்கும் ராமானுஜுக்கும் திருமணம் நடந்திருந்ததாக கூறப்படுகிறது.
சம்பவத்துக்குப் பிறகு ராமானுஜ் காணாமல் போன நிலையில், போலீஸார் அவரைத் தேடி வந்தனர். பின்னர் அவர் போலீஸில் சரணடைந்தார். நீதிமன்றத்தில் ஆஜர்படுத்தப்பட்ட அவரை ஏழு நாட்கள் போலீஸ் காவலில் வைத்து விசாரிக்க உத்தரவிடப்பட்டது.
நீதிமன்றத்துக்கு வெளியே பேசிய ராமானுஜ், மனைவியை கொலை செய்ததாகவும், சிறைத் தண்டனை முடிந்து வெளியே வந்த பிறகு தனது ‘சுகர் டேடி’யையும் கொலை செய்வதாகவும் கூறியதாக தகவல் வெளியாகியுள்ளது. அந்த நபர் யார் என்பதை தெரிவிக்க அவர் மறுத்ததுடன், பத்திரிகையாளர்களிடம் ஆக்ரோஷமாக நடந்துகொண்டதாகவும் கூறப்படுகிறது. கொலைக்கான காரணம் மற்றும் ‘சுகர் டேடி’ குறித்த தகவல்களை போலீஸார் விசாரித்து வருகின்றனர். இந்த Guwahati wife murder case விசாரணை தொடர்ந்து நடைபெற்று வருகிறது.
