விசா விண்ணப்பங்களில் கோரப்படும் தகவல்களின் அளவை 65 முதல் 70 சதவீதம் வரை குறைக்கவும் நடவடிக்கை எடுக்கப்பட்டுள்ளது. திருத்தப்பட்ட நடைமுறை 2026ஆம் ஆண்டு இறுதிக்குள் செயல்படுத்தப்படும் என இந்திய உள்துறை அமைச்சகம் தெரிவித்துள்ளது.
புதிய Visitor Visa பிரிவு
Tourist Visa பிரிவுக்கு பதிலாக Visitor Visa அறிமுகப்படுத்தப்பட உள்ளது. சாதாரண சுற்றுலாவுடன், வணிகக் கலந்துரையாடல்கள், மருத்துவ ஆலோசனைகள், சுகாதார மற்றும் குறுகியகால கல்வி நடவடிக்கைகளுக்கும் இந்தப் பிரிவு பயன்படுத்தப்படும்.
Visitor Visa, V-1 மற்றும் V-2 என இரு துணைப் பிரிவுகளைக் கொண்டிருக்கும். V-1 விசா 30 நாட்களுக்கு வழங்கப்பட்டு, அந்தக் காலத்தில் பலமுறை இந்தியாவுக்குள் நுழைய அனுமதிக்கும். மொழி, இசை, கலை, கைவினை மற்றும் குறுகியகால யோகா பயிற்சிகளுக்கும் இது பயன்படுத்தலாம். V-2 விசா தகுதியின் அடிப்படையில் ஒரு ஆண்டு, ஐந்து ஆண்டு அல்லது பத்து ஆண்டுகள் செல்லுபடியாகும் வகையில் வழங்கப்பட உள்ளது.
மருத்துவம், கல்வி மற்றும் வணிக விசாக்களில் மாற்றம்
மருத்துவ சிகிச்சைக்கான விசாக்கள் ஒரு ஆண்டு வரை செல்லுபடியாகும். M-1 பொதுச் சிகிச்சைக்கும், M-3 ஆயுர்வேதம் உள்ளிட்ட AYUSH சிகிச்சைகளுக்கும் வழங்கப்படும். நோயாளிகளுடன் வரும் உதவியாளர்களுக்காக M-2 மற்றும் M-4 பிரிவுகள் உருவாக்கப்பட உள்ளன.
மாணவர்களுக்கு S-1 மற்றும் S-2 விசா பிரிவுகள் அறிமுகப்படுத்தப்படுகின்றன. Study in India திட்டத்தில் சேரும் மாணவர்கள், பாடநெறி காலம் அல்லது அதிகபட்சம் ஐந்து ஆண்டுகள் வரை e-S1 விசா பெற முடியும். வணிக விசாக்கள் B-1 மற்றும் B-2 எனப் பிரிக்கப்பட்டு, முதலீடு, குறுகியகால வணிகம், மாநாடுகள், விளையாட்டு, கலாச்சார நிகழ்ச்சிகள் மற்றும் திரைப்படப் பணிகளுக்கு பயன்படுத்தப்படும்.
இந்தியாவின் மின்னணு விசா வசதி தற்போது 172 நாடுகளின் குடிமக்களுக்கு கிடைக்கிறது. புதிய முறைக்கு ஏற்ப தகவல் தொழில்நுட்ப அமைப்புகளை மேம்படுத்தும் பணிகளும் தொடங்கப்பட்டுள்ளன. India visa reform மூலம் சுற்றுலா, கல்வி, சுகாதாரம் மற்றும் முதலீட்டு துறைகளை ஊக்குவிப்பதே அரசின் நோக்கமாகும்.
