நுகர்வோர் அலுவல்கள் அதிகார சபை அதிகாரிகள் ஜூலை 13 அன்று மேற்கொண்ட விசேட சோதனையின் போது இந்த விதிமீறல் கண்டறியப்பட்டது. இதையடுத்து யாழ்ப்பாண நீதவான் நீதிமன்றத்தில் வழக்கு தாக்கல் செய்யப்பட்ட நிலையில் ஜூலை 21 அன்று வழக்கு விசாரணைக்கு வந்தபோது மருத்துவமனை குற்றத்தை ஒப்புக்கொண்டதாக தெரிவிக்கப்பட்டுள்ளது.
நீதிமன்றம் ரூ.30 லட்சம் அபராதம் விதித்ததுடன் இந்த குற்றம் தொடர்பான அறிவிப்பை தேசிய நாளிதழ்களில் தங்களது செலவில் வெளியிடவும் மருத்துவமனைக்கு உத்தரவிட்டுள்ளது.
அரசு கட்டுப்பாட்டு விலைக்கு உட்பட்ட மருத்துவ சேவைகளைப் பெறும் போது பொதுமக்கள் கட்டணங்களை சரிபார்க்கவும் அதிகாரப்பூர்வ ரசீதை பெற்றுக்கொள்ளவும் அதிக கட்டணம் வசூலிக்கப்பட்டால் 1977 என்ற உதவி இலக்கத்தில் புகார் அளிக்கவும் நுகர்வோர் அலுவல்கள் அதிகார சபை அறிவுறுத்தியுள்ளது.
