இந்த சேவை குவைத் அரசு அரசின் ஒருங்கிணைந்த “Sahel” செயலி மூலம் வழங்கப்படுவதால் குடிமக்களும் வெளிநாட்டு குடியிருப்பாளர்களும் சேவை மையங்களுக்கு நேரில் செல்லாமல் விண்ணப்பங்களை சமர்ப்பித்து நிர்வகிக்க முடியும். இது அரசு சேவைகளை டிஜிட்டல் மயமாக்கும் குவைத்தின் முயற்சியின் ஒரு பகுதியாகும்.
இந்த புதிய அறிவிப்புடன் வீட்டு வேலைக்காரர்கள் மற்றும் டிரைவர்களை ஸ்பான்சர் செய்வதற்கான தகுதி விதிகளும் புதுப்பிக்கப்பட்டுள்ளன. புதிய விதிகளின்படி தனியாக வாழும் பெண்கள் ஒரு வீட்டு வேலைக்காரரை மட்டுமே ஸ்பான்சர் செய்ய முடியும். குழந்தைகளைக் கொண்ட திருமணமான விவாகரத்து செய்யப்பட்ட அல்லது விதவை பெண்கள் ஒரு வீட்டு வேலைக்காரரையும் ஒரு டிரைவரையும் ஸ்பான்சர் செய்ய அனுமதிக்கப்படுவர்.
குடும்பத்துடன் வாழும் திருமணமான விவாகரத்து செய்யப்பட்ட அல்லது விதவை ஆண்கள் அதிகபட்சம் மூன்று வீட்டு வேலைக்காரர்களையும் ஒரு டிரைவரையும் ஸ்பான்சர் செய்யலாம். அதேவேளை தனியாக வாழும் ஆண்களுக்கு ஒரு டிரைவரை மட்டுமே ஸ்பான்சர் செய்ய அனுமதி வழங்கப்பட்டுள்ளது.
இந்த மாற்றங்கள் நிர்வாக நடைமுறைகளை எளிமைப்படுத்துவதோடு விண்ணப்ப செயல்முறைகளை வேகப்படுத்தி காகிதப் பணிகளை குறைத்து குடிமக்கள் மற்றும் வெளிநாட்டவர்களுக்கு அதிக வசதியை வழங்கும் என குவைத் அதிகாரிகள் தெரிவித்துள்ளனர்.
