தவெக ஆட்சியைக் கவிழ்ப்பதற்காக ரூ.15 கோடி பேரம் பேசப்பட்டதாக முஸ்தபா நேற்று முன்தினம் தெரிவித்திருந்தார். இதையடுத்து, பி.எம். மன்னனை மதுரை குற்றப்பிரிவு போலீசார் விசாரணைக்காக அழைத்துச் சென்றனர். பின்னர் அவர் கைது செய்யப்பட்டதாக தெரிவிக்கப்பட்டுள்ளது.
எம்.எல்.ஏ. உதவியாளரிடம் போலீசார் விசாரணை
இந்த நிலையில், முஸ்தபாவின் உதவியாளர் கனி மதுரை குற்றப்பிரிவு காவல் நிலையத்திற்கு வந்து விளக்கமளித்தார். இந்த விவகாரம் தொடர்பாக புகார் அளித்த அவரிடமும் போலீசார் விசாரணை நடத்தி வருகின்றனர்.
முஸ்தபாவிடம் பேரம் பேசப்பட்டதாகக் கூறப்படும் தொலைபேசி உரையாடல்கள், ஆடியோ ஆதாரங்கள் மற்றும் தொடர்புடைய நபர்களின் தொடர்புகள் குறித்து கனியிடம் விசாரிக்கப்படுகிறது. இந்த விவகாரத்தில் வேறு யாருக்கெல்லாம் தொடர்பு உள்ளது என்பதையும் போலீசார் ஆய்வு செய்து வருகின்றனர். Madurai MLA horse trading case தொடர்பான விசாரணையில், கிடைக்கும் ஆவணங்கள் மற்றும் ஆதாரங்களின் அடிப்படையில் அடுத்தகட்ட நடவடிக்கை எடுக்கப்பட உள்ளது.
