தகுதி அங்கீகார நடைமுறையில் மாற்றம் கோரிக்கை
ஆப்கானிஸ்தானில் நான்கு ஆண்டுகள் கணக்கியல் துறையில் பணியாற்றிய ஃபரூக் தஹெரி, தலிபான்கள் 2021ஆம் ஆண்டு ஆட்சியைக் கைப்பற்றிய பின்னர் ஆஸ்திரேலியாவுக்கு இடம்பெயர்ந்தார். அங்கு வேலை தேடுவதற்கு சுமார் ஓராண்டு ஆனது. பின்னர் குடியேற்ற மற்றும் அகதி ஆதரவு அமைப்பின் உதவியுடன் ஆடை நிறுவனத்தில் பணியாற்றினார். தற்போது கணக்கியல் துறைக்கு திரும்பும் நோக்கில் TAFE கல்வி நிறுவனத்தில் படித்து வருகிறார்.
சிலி நாட்டிலிருந்து வந்த கான்சுவெலோ காஸ்டிலோவுக்கு கற்பித்தலில் ஏழு ஆண்டுகள் அனுபவமும் இரண்டு கல்விப் பட்டங்களும் இருந்தன. இருந்தபோதும், ஆரம்பத்தில் பள்ளிக்குப் பிந்தைய பராமரிப்பு உதவியாளர் பணியே கிடைத்ததாக அவர் தெரிவித்தார்.
வெளிநாட்டு தகுதிகளை அங்கீகரிக்கும் நடைமுறை செலவு அதிகமானது, நீண்டகாலம் எடுப்பது மற்றும் பல்வேறு அமைப்புகளாகப் பிரிந்துள்ளது என ஆஸ்திரேலிய பல்கலாச்சார பெண்கள் கூட்டமைப்பு தெரிவித்துள்ளது. வெளிநாட்டு மருத்துவர் தகுதியை அங்கீகரிக்க சராசரியாக 50,000 ஆஸ்திரேலிய டொலரும் இரண்டு ஆண்டுகளும் தேவைப்படலாம் எனக் கூறப்பட்டது.
இந்த சிக்கலைக் கண்காணிக்க குடியேற்றத்தினர் மற்றும் அகதிகளின் திறன் அங்கீகார முறைக்கு தேசிய ஆணையர் ஒருவரை நியமிக்க வேண்டும் என தொடர்புடைய அமைப்புகள் கோரியுள்ளன. Migrant Women Skills Recognition Australia விவகாரத்தில் மாற்றம் ஏற்பட்டால், தகுதியான பெண்கள் குறைந்த வருமானம் மற்றும் குறைந்த ஓய்வூதிய சேமிப்பு கொண்ட வேலைகளில் சிக்குவதைத் தடுக்க முடியும் என அவர்கள் தெரிவித்தனர்.
